MITROVICA-MAKTHI I PERDITSHMERISE KOSOVARE

[Marksi]

Barikadat prej betoni që i kishte vendosu KFOR-i në urën e Ibrit që ndanë Mitrovicen në dy pjesë, më në fund u hoqen. Tani kontrollin do ta bëjë SPK-ja me policinë e UNMIK-ut. Por kjo plagë kosoare e veriut të Mitrovicës, ku ende nuk lejohen mbi 30 mijë shqiptarë të kthehen në vatrat e tyre, e që ishin përzënë me dhunë nga makineria vrastare e kryekasapit Millosheviq, vazhdon të jetë dëshmi e vazhdimësisë së kësaj vepre edhe pas disa vitesh të çlirimit të Kosovës. Ky realitet i vrazhdë dhe apsurd, i kurorëzuar nga një improvizim në urën e Ibrit në mesin e vitit 1999, në fakt është një produkt i intrigave dhe i ligësive të reaksionit nderkombëtar, rimenishent i aleancave më të mbrapashta dhe më të liga me të cilën mbahet peng Kosova cila thirret si "fuqi baroti" e Evropës plakë. Këto të liga janë të pregatitura gjatë dhe të konzervuara me shumë fanatizëm në këto vite të pasçlirimit të Kosovës. Veriu i Mitrovicës vazhdon të jetë sfidë që shëndrrohet me një të rënë të lapsit, retorikë e pakuptimtë që bashkësia ndërkombëtare flet për paqën, drejtësinë dhe përkushtimin e saj nda misionit të ndërmarrë në Kosovë.
Pra, kërkesa e qytetarëve të Kosovës është që të shthurret sa më parë ajo që është krijuar e sajuar në mënyrë të sofistikuar mbi urën e Ibrit. Këtu duhet të kërkohet bashkpunimi konstruktiv dhe vullnet i aleatëve të Kosovës që veriu i MItrovicës, një ditë të afërt, të jetë pjesë e natyrshme e organizimit të jetës normale në Kosovë.
Kërkohet këmbëngulje dhe menquri nga ana e Qeverisë së Kosovës që ta bëj sigurimin e palëve për bashkpunim, të cilat duhet të jenë efikase. Gjithsesi kjo punë duhet të kryhet sa më parë me qëllim që Kosova të frymoj lirshëm si tërsi, dhe me të gjitha kapacitetet jetike.
Kerkoj qasje korrekte në këtë temë.