sheja sa ma shpejt statusin per kosoven

[qendra]

Aktuale

“NATO-ja ka vërejtur se çështja e statusit të Kosovës është urgjente dhe nuk është çështje e kosovarëve por e tërë Evropës dhe me gjerë, sepse pa zgjidhjen e statusit të Kosovës nuk mund të ketë stabilitet rajonal”, tha Xhejmi Shea në konferencën e mbajtur sot në Prishtinë me temën ”Angazhimi i NATO-s në Ballkan”


Pasi bëri një përshkrim të aktiviteteve të NATO-s në Ballkan, Xheji She tha se NATO do të jetë pjesë e proceseve në Kosovë . Ai kërkoi një bashkëpunim më të ngushtë ndërmjet institucioneve vendore me ato ndërkombëtare për të pasur një vizion të qartë për Kosovën. “Çdo shtet evropian është multietnik. Pse Kosova të jetë ndryshe? Nuk ka kthim në status quo. Kosova duhet të integrohet në struktura euroatlantike, që nuk do të jenë të ndara në kuptim absolut por në forma të tjera të integrimit në Evropë. Në bazë të këtyre principeve në do të shkojmë përpara” tha Shea. Komandanti i KFOR-it Gjenerali Iv De Kermabon situatën e sigurisë në Kosovë e ka vlerësuar të mirë dhe stabile, falë angazhimit të KFOR-it dhe bashkëpunimit me policinë e UNMIK-ut dhe SHPK-në. Kermabon më shumë u përqendrua tek liria e lëvizjes. Ai tha se zhvillimi i dobët i ekonomisë dhe mungesa e perspektivës shkakton frikë te njerëzit . “Çfarë perspektive dhe shprese mund të pritet, në këtë valë të papunësisë. Mungesa e të ardhmes shkakton frikë dhe brengë” tha Kermabon.. Kermabon ka porositur studentet pjesëmarrës në këtë konferencë që ata të jenë ambasadorë të së ardhmes dhe të jenë dëshmi se Kosova posedon pjekuri politike. Njëherit, në kuadër të Bibliotekës Kombëtare dhe Uiversitare sot u përurua “biblioteka depozitare e NATO-s”. Botimet që vijnë nga Brukseli do të jenë në shërbim të përgjithshëm për lexuesit dhe hulumtuesit e sferave të ndryshme .Vizita e Xhejmi Shea, zëvendës- asistent për marrëdhënie të jashtme i Sekretarit të Përgjithshëm të NATO-s është pjesë e një aktiviteti me të gjerë të NATO-s, i organizuar sebashku me Qendrën evropiane në Kosovë, me qëllim të njoftimit të të rinjëve kosovarë mbi organizimin e NATO-s dhe vendimmarrjen në këtë organizatë.

marnga rtk

kalofshi mir qendra