GJAKËSORET E VËRTETË LIROHEN, TË PËRGJAKURIT MBAHEN PRAPA GRILAVE

[albakos]

GJAKËSORET E VËRTETË LIROHEN, TË PËRGJAKURIT MBAHEN PRAPA GRILAVE TË “DREJTËSISË” NDËRKOMBËTARE!

Shkruan: Sejdi Veseli

Ditë më parë Gjykata Ndërkombëtare Penale për ish-Jugosllavinë(ICTY), me seli në
Hagë, mori vendim që disa nga bashkëpunëtorët më të afërt politik dhe ushtarak
të kasapit të Ballkanit, Slobodan Miloševiæ, t’i lirojë nga paraburgimi, për t’u
mbrojtur në liri, deri në ditën kur do të fillojë „gjykimi“i tyre!
Në mesin e këtyre të liruarëve ishte edhe gjenerali serb, Vladimir Lazareviæ,
pas vetëm një muaj kohëzgjatje të paraburgimit. Për lexuesin e këtij shkrimi
emri dhe mbiemri i këtij gjenerali serbo-çetnik është i njohur, ai simbolizon
terrorin e përmasave të gjenocidit i cili u ushtrua ndaj shqiptarëve, nën
komandën e drejtpërdrejt të tij, si „Komandant Prištinskog Korpusa Vojske
Jugoslavije“.
Edhe përmasat e terrorit që u ushtrua ndaj popullatës civile shqiptare, nga
fallangat ushtarake, policore dhe bandat paramilitare, të komanduara prej këtij
gjenerali neo-fashist, për lexuesin e këtij shkrimi janë të njohura, sepse i ka
përjetuar në një mënyrë, fizikisht apo shpirtërisht.
Nëpërmjet këtij shkrimi nuk e kam për qëllim të shpalosë vetëm veprimtarin
kriminale të këtij gjenerali, i cili përfaqëson me besnikri shovenizmin dhe
hegjemonizmin fashizoid serbomadh, por revoltën ndaj edhe një veprimi pro
serbo-çetnik të „drejtësisë“ ndërkombëtare.
Ma thotë mendja, se për peshën e akuzave të cilat u vihen për barrë luftëtarëve
të lirisë, lexuesi i këtij shkrimi është njoftuar, andaj në vazhdim të këtij
shkrimi e shohë të nevojshme t’ia përkujtojë, se sipas një shkrimi të IWPR
(Institutit për raportime për luftën dhe paqen), të dt. 22 prill 2005, gjenerali
Lazareviæ akuzohet, se sipas planeve të hartuara në bashkëveprim me kreun e
Serbisë dhe nën komnadën e tij të drejtpërdrejt janë krye edhe këto krime:
-Torturimi dhe vrasja e 65 fëmijëve dhe burrave të fshatit shqiptar të
Belacërkës;
- Torturimi, vrasja dhe djegja e 105 fëmijëve dhe burrave të fshatit shqiptar
Krusha e Vogël;
-Torturimi dhe vrasja e 116 burrave të fshatit Izbicë;
-Masakrimi i 44 anëtarëve të familjes Berisha, në një kafiteri të Therandës;
-Shpërngulja e dhunshme e 1 milion shqiptarëve nga Kosova....
Këto akuza për krimet rrënqethëse të kryera nga forcat fashizoide serbe, të
komanduara nga fashisti Lazareviæ, janë vetëm disa epizoda të fushatës
sistematike të terrorit të ushtruar ndaj popullatës civile shqiptare, sepse në
kuadër të përgjegjësisë së tij individuale dhe komanduese, janë kryer edhe shumë
krime tjera, si: kidnapimet, përdhunimet e femrave shqiptare të të gjitha
moshave, vrasjet e civilëve shqiptar të të gjitha moshave dhe gjinive dhe
transportimi i trupave të tyre për në Serbi, hedhja e tyre në Danub, apo djegëja
e tyre nëpër furrë nalta, si p.sh. në kompleksin e aluminijumit në Maçkaticë,
afër Surdulicës, nën mbikqyrjen e drejtpërdrejt nga banda kriminale, vartëse e
tij, „Beretat e kuqe“, e cila komandohej nga krimineli i njohur, Millorad Ulemek
„Legija“.
Dhe ja nga „drejtësia“ ndërkombëtare një i dyshuar i tillë për krime të luftës,
lirohet për t’u mbrojtur në liri, deri në ditën kur do të fillojë gjykimi i tij.
Ky veprim i ICTY-së është edhe një dëshmi më shumë, se „drejtësia“ ndërkombëtare
është e ndikuar dhe e drejtuar nga intersat e disa çarqeve të njohura dhe të
dëshmuara si mike tradicionale të Serbisë.
Mjafton të mirret parasysh vetëm ky veprim i ICTY-së dhe nga lexuesi i paanshëm,
do të përfundohet, se konstatimi i mëparm është i qëndrueshëm, sidomos kur dihet
publikisht, se kjo „drejtësi“i ka stërmbushur burgjet e Kosovës, me kuadro
drejtuese dhe pjestarë të Famëmadhës UÇK, të akuzuar në bazë të dëshmive të
rrejshme dhe konstrukteve të BIA-së, pasardhëses besnike të OZNA, UDB dhe SDB
dhe i ka dënuar me burgim në kohëzgjatje prej disa qindra vjetësh, sipas Ligjit
Penal të pushtuesit serbo-çetnik. Ata, sot dergjen në po ato burgje, të cilat
gjatë kohës së pushtimit shovenist serbijan, janë larë dhe stërlarë me gjakun e
rinisë liridashëse shqiptare.
Po në bazë të akuzave të BIA-së, aktualisht mbahen të paraburgosur në burgun e
ICTY edhe gjashtë luftëtarë të lirisë, të gjithë kuadro të larta drejtuese të
UÇK-së, ndërsa, në anën tjetër kriminelët e dëshmuar, jo vetëm shëtisin lirshëm,
por edhe janë në pozitat më të larta të pushtetit aktual serbijan, ndërsa ata që
arrestohen, jo vetëm se dënohen me dënime, as për së afërmi me peshën e krimeve
që kanë kryer, por edhe lëshohen për t’u mbrojtur në liri! Kësaj nuk mund t’i
thuhet ndryshe, pos gjaksorët e vërtetë lirohen, të përgjakurit mbahen prapa
grilave të „drejtësisë“ ndërkombëtare!
Jam i sigurt, se po të veprohej kështu nga ICTY, në raport me ndonjërin nga të
akuzuarit shqiptar, si p.sh. me Fatmir Limajn, protestat ultimative të Serbisë
do të arrinin për shqyrtim, deri në tavolinat e zyrtarëve më të lartë të
institucioneve ndërkombëtare. Këto protesta të Serbisë nuk do të ndaleshin, deri
në momentin kur do të pezullohej një vendim i tillë i ICTY-së.
Si duket drejtuesit aktual të IPVQ-ve, të kapluar nga ethet e luftës për
„pushtet“ dhe për përfitime personale, u bënë sikur nuk e vërejtën këtë veprim
të ICTY-së, ngase as që reaguan fare.
Njeriu i bllafaquar me neglizhencën e tillë dhe në vazhdimësi, edhe ndaj këtij
veprimi të hapur proserbijanë të ICTY-së, të atyre të cilët u mandatuanë me
votën e popullit, ska se si të mos konstatoj, se me njerëz të tillë në ballë të
Kosovës, as që mund të paramendohet realizimi i aspiratave, për të cilat u
derdhen lumenjë gjaku dhe u bënë sakrifica sublime!

Më 25 prill 2005, Prishtinë