Kuriozitete dhe çudira nga mbarë bota...

[ISTOGASJA_CH]

Mund të dënohesh me burg nëse jep një puthje në publik, por edhe mund të hash 40 fshikullima nëse vesh xhinse. Janë të shumta dënimet që mund të marrësh, nëse nuk zbaton rregullat kulturore të vendeve të ndryshme. Kështu që më parë duhet të informoheni se çfarë nuk lejohet...

E ndaluar të rruash mjekrën
Në Iran muzika rrok është ilegale. Në muajin maj, në Teheran, 80 të rinj u kapën nga policia dhe u dënuan për “kërkim të kënaqësisë”, ndërsa po ndiqnin një spektral muzikor live. Ndërsa në Arabinë Saudite nuk lejohen puthjet në publik. Një djalë nga Riadi, në 10 qershor u dënua me 4 muaj burg, pasi ishte filmuar nga një telekamer në një qendër tregtare, teksa puthte një grua. Ndërsa në Somali i ke kaluar të gjithë kufijtë, nëse nuk mban mjekërr. Në 7 janar dhjetra të rinj u arrestuan nga policia, pasi kishin guxuar të rruajnë fytyrën, duke thyer kështu rregullat e Kuranit. Një rast shumë i rëndë është ndeshur në Sudan, ku një grua u quajt fajtore për “veshje të padenjë” dhe iu ngarkua një gjobë, sepse kishte veshur xhinse në publik. E jo vetëm kaq. Ajo ishte dënuar edhe me 40 fshikullima, por për të cilat “u fal” nga autoritetet. Dy të krishterë që jetonin në Algjeri u shpallën fajtorë sepse nuk kishin respektuar Ramazanin, pasi ishin arrestuar në “flagrancë” duke ngrënë diçka.

Alkooli i ndaluar në Katar
Në Katar, kush ecën nëpër rrugë duke pirë alkool, rrezikon gjobë, ndërsa kush drejton makinën dhe pas testit, në trupin e tij rezulton qoftë edhe një gram alkool, arrestohet urgjentisht e futet në burg. Edhe në rastet e aksidenteve, policia së pari verifikon nëse dikush ka pirë dhe më pas nisin hetimet se kush ishte shkaktari i aksidentit. Për burrat sauditë është e ndaluar të vishen si gra. Tetë burra ishin maskuar si gra, për të ndenjur pranë të dashurave të tyre, por u zbuluan dhe përfunduan në burg.
Mirësjellja në udhëtim
Përveç dënimeve, gjatë një udhëtimi në një vend të huaj, duhet pasur kujdes, që të mos fyesh vendasit. Kështu, në Japoni, nuk duhet refuzuar kurrë një filxhan kafe, apo një gotë ujë. Në Angli është e paedukatë të bësh xhestin e fitores me të praptën e dorës, drejtuar nga bashkëfolësi, ndërsa në Kinë është fyese të vendosësh në xhep ftesën e vizitës e të mos e mbash me të dyja duart.

[ISTOGASJA_CH]

Jeta është një dhuratë e çmueshme. Me rëndësi është që në kohë të mësojmë si ta jetojmë pasi që hapsirë për pendim nuk do të ketë. Kënaquni në cdo moment. Vlersojeni… çdo sekond. Portali Shqipmedia.com ju bën me dije të keni parasysh çdoherë këto 3 gjëra:

• Tri gjërat në jetë të cilat në qoftë se njëherë ikin, nuk do të kthehen më: Koha, fjalët, mundësia.
• Tri gjërat në jetë të cilat mund të u’a shkatërrojnë personalitetin: hidhërimi, krenaria dhe paaftësia për të falur.
• Tri gjërat në jetë të cilat askush nuk guxon ti humbas: shpresën, paqen, respektin.
• Tri gjërat më të çmueshme në jetë: dashuria, familja dhe shoqëria, mirësjellja.
• Tri gjërat në jetë të cilat nuk janë të caktuara: fati, suksesi, ëndrra – dëshirat.
• Tri gjërat në jetë të cilat e krijojnë personalitetin: përkushtimi, sinqeriteti, puna e palodhshme.

[ISTOGASJA_CH]

Sa më shumë të rrethohet nga dashuria dhe ngrohtësia një fëmijë, aq më shumë do të zhvillohet, forcohet dhe bëhet inteligjent truri i tij. Kjo është provuar tashmë shkencërisht. Më parë u eksperimentua tek truri i majmunëve, e më vonë pritet të provohet edhe tek njeriu. Stephen Suomi, drejtuesi i laboratorit të Etologjisë Krahasuese të Institutit Kombëtar të Bethesës (Maryland), e ka treguar faktin me anë të një eksperimenti zhvillua tek majmunët. Duhet të besojmë se kjo prove vlen edhe për njeriun, përderisa njerëzit ndajnë me shimpazetë 99% të kodit gjenetik.

Gjithcka ndodh në vitet e para të jetës së fëmijës. Me ardhjen e adoleshencës gjithcka mbyllet. Ndërveprimi gjen-mjedis ndodh gjatë zhvillimit të hershëm (sipas biokimisë cerebrale). Eksperimenti i sipërprezanuar, ka treguar se marrëdhënie e sigurta të atashimit në nivel familjar formojnë një konjektivitet të trurit të madh, por jo vetëm. Prof. Suomi ka verifikuar se marrëdhëniet afektive të stabilizuara i japin njerëzve aftësinë për të përballuar stresin e ambjentit. Ndërsa në të kundërt, mungesa e dashurisë në fëmijëri mund të shkaktojë një mosfunksionim të gjënit të serotoninës, ose “molekulës së depresionit”.

Kësaj teorie jo edhe aq të re, që tregon se “mendja lind nga emocionet”, i janë bashkangjitur edhe shumë studiues të tjerë të marrëdhënieve socilale, ndonëse secili sipas pikëpamjes së vet, duke e lidhur me: Evolucionin, Emocionin, Gjuhën, Ndërgjegjen…

[ISTOGASJA_CH]

Është si një terapi të lexosh faqet e një libri interesant. Duket si një këshillë e çuditshme, por në ditët e sotme shumë terapeutë këshillojnë pacientët e tyre të lexojnë një libër për të luftuar ankthin dhe depresionin. Në vendet evropiane në shumë reparte spitalesh janë vendosur biblioteka. “Leximi është një ndihmë e çmuar në rrugën e shërimit, sepse forcon psikoterapinë”, – konfirmojnë psikiatrit. Dhe në fakt specialistët i këshillojnë pacientit një libër dhe më pas diskutojnë për të gjatë vizitës.

Në një libër shihen më qartë emocionet, identifikohesh në vetë personazhet e rrëfyera. Merren distancat me vuajtjen tënde dhe shihet vetvetja në mënyrë më objektive. Kjo ndihmon për të gjetur rrugëdaljen dhe për t’u kërkuar rizorse brenda vetes. Dhe pastaj librat janë një pafundësi, nuk skadojnë kurrë dhe vendoset vetë se sa kohë do lexosh dhe kur. Kush ka ndonjë ide të errët për jetën mund të ndihet më i lehtësuar me autorët që dinë ti përballojnë me të qeshur tragjeditë e jetës së përditshme. Dhe në faqet e një libri mund të gjesh gjithnjë një histori të ngjashme me atë që të ndodh ty në jetën personale.
Mund të të ketë ndodhur një ndarje, një tradhti, probleme me nënën, probleme me shefat, me fatin e keq. Sigurisht që librat nuk ndikojnë njëlloj tek të gjithë njerëzit. Megjithatë, ia vlen të provoni, ndoshta dhe për të gjetur një shprehje të paharrueshme. Ndaj një libër duhet ta mbani gjithnjë me vete, sepse është ilaçi i shpirtit dhe mund ta rilexoni sa herë keni nevojë për t’u inkurajuar.



Marrë nga www.shqipmedia.com

[ISTOGASJA_CH]

Londër, 7 tetor – Plas skandali social në Angli, ku shkas bëhet rasti i një gruaje që ka pesë fëmijë nga katër burra të ndryshëm.

Kelly Marshall nuk ka punuar asnjëherë në jetën e saj, por kjo nuk e ka penguar të paguajë operacionin plastik për zmadhimin e gjoksit. Çdo vit ajo arkëton 29 mijë funte nga ndihma sociale, çka i ka lejuar të heqë disa para mënjanë për të kryer ndërhyrjen e kushtueshme.

Fëmijëve të 32 vjeçares nuk u ka munguar asgjë, pasi secili prej tyre ka para krevatit nga një televizor plazma dhe lojëra të ndryshme, Playstation, Wii dhe Xbox 360. Zonja Marshall ka thënë për “Daily Mail” se pas operacionit po jeton në harmoni me trupin e saj.

“E meritoj sepse jam një mama e mirë. Të gjitha mamatë duhet të jenë në gjendje të paguajnë ndërhyrjet kirurgjikale plastike. Disa mendojnë se përfitoj nga situata, por nuk besoj se fëmijët duhet të heqin dorë nga diçka, sepse nuk kam punuar asnjëherë”, thekson ajo. Ndërkohë, kancelari George Osborne ka thënë se po punon që të ardhurat sociale të mos i kalojnë 26 mijë funtet.

[ISTOGASJA_CH]

Kanë pushtuar popuj me miliona banorë, por kanë qenë rob i një njeriu të vetëm. Kanë qenë të lavdishëm e të papërkulshëm, po një njeri i vetëm i ka bërë aq sa melankolikë dhe të thyeshëm.

Autorë të më të mëdhenjve veprave pa limit fantazie, po aq sa pengje të një letre dashurie. “Zot, çfarë do të bëhet me mua, tani që ti më ke privuar nga arsyeja?” i shkruan mbreti i letërsisë franceze, Honore de Balzak konteshës polake Evelina Hanska.

Një tjetër shkrimtar, Volteri, për hir të dashurisë do të arratisej nga burgu për të qenë pranë të dashurës së tij Olymbe Dunover, një vajzë e varfër që ai e dashuronte marrëzisht. “Unë jam burgosur këtu në emër të mbretit; ata mund të më marrin jetën, por jo dashurinë që ndjej për ty”, i shkruan në vitin 1713 të dashurës së tij, disa minuta para se të arratisej. Por dashuria nuk është e bukur vetëm në letrat e shkrimtarëve, por edhe në atë të udhëheqësve. “Ti je jeta në mua. Kur ti nuk je pranë meje, unë pres kthimin tënd që të filloj të jetoj sërish”, i shkruan presidenti amerikan, Ronald Regan, bashkëshortes së tij për 31 vjetorin e martesës.

Edhe Napoloni, perandori i egër francez i shkruante me ëmbëlsi Zhozefinës, bashkëshortes së tij të parë. “Zhozefinë, do të të shoh brenda tri orëve. Deri atëherë, e dashura ime e ëmbël të dërgoj njëmijë puthje, por mos më jep asnjë si shkëmbim, pasi ato ma ndezin gjakun më keq”. “Tirana Observer” boton letrat më të famshme të dashurisë. Çfarë i shkruanin mbretërit, perandorët e presidentët vajzave që u kishin robëruar zemrat? Fjalët e ëmbla të Hygoit, Gëtes, Xhek Londonit, Xhejm Xhojsit dhe dashuritë e vështira të Franz Kafkës, Lord Bajronit e Bethovenit.

Napoleoni i shkruan bashkëshortes sw tij, Zhozefinës,

Paris (1795)

Kam ecur me mendjen mbushur me mendimet për ty. E ëmbla ime, e pakrahasueshme ç’efekt të çuditshëm ke mbi zemrën time. Por çfarë mbetet akoma kur nga buzët e tua, zemra jote merr një dashuri që më tret si zjarri? Je e zemëruar? Pse më dukesh e trishtuar? Je e shqetësuar?… Sa dhimbje ndjej në shpirt! Ti do të largohesh në mesditë. Do të të shoh brenda tri orëve. Deri atëherë, e dashura ime e ëmbël të dërgoj njëmijë puthje, por mos më jep asnjë si shkëmbim, pasi ato ma ndezin gjakun më keq.

Viktor Hugo për Adele Foucher

1821
E dashur!

Kur dy shpirtra të cilët kanë kërkuar njëri-tjetrin për aq kohë për t’u rigjetur në më fund…, një bashkim i furishëm dhe i pastër si vetë ato… fillon në tokë dhe vazhdon përjetë në parajsë. Ky bashkim është dashuri, dashuri e vërtetë…, një besim i cili hyjnizon të dashuruarin, një bashkim jeta e të cilit rrjedh nga përkushtimi dhe pasioni dhe për të cilin edhe sakrificat më të mëdha janë kënaqësi të ëmbla. Kjo është dashuria që ti më bën të ndiej… Shpirti yt është krijuar për të dashuruar me pastërtinë dhe pasionin e engjëjve.
I yti përgjithmonë
V.H

Robert Schumann për bashkëshorten e tij Clara Schumman
1838

E dashur, kam qarë nga gëzimi duke e ditur se e je e imja dhe shpeshherë e pyes veten nëse të meritoj. Dikush mund të mendojë se në zemër e në mendje asnjë burrë nuk mund të grumbullojë në zemër aq shumë gjëra në një ditë… Por sa i
lumtur ndihesha dje e pardje! Nga letrat e tua buronte një shpirt fisnik, një besim e një mal me dashuri.
Çfarë nuk do të bëja për dashurinë tënde!

Winston Churchill pwr bashkëshorten e tij, Clemmie Churchill
10 gusht, 1894
E dashura ime Clemmie!

Në letrën që më dërgoje nga Madras shkruaje disa fjalë shumë të dashura për mua, se si unë e kisha bërë më të mirë jetën tënde. Nuk mund të ta përshkruaj kënaqësinë që më dhe sepse gjithnjë jam ndjerë aq shumë në borxh me ty, gjithnjë nëse në dashuri mund të mbahen llogari… Se ç’do të thotë të jetoj gjithë këto vite në zemrën dhe praninë tënde, nuk ka fjalë që ta përshkruajnë. Koha kalon shpejt, por nuk ka asgjë më të gëzueshme se sa të shohësh sa i madh dhe si shtohet thesari që ne kemi grumbulluar së bashku nëpërmjet stuhive e trishtimeve të miliona viteve tragjike, të tmerrshme e plot ngjarje.
Bashkëshorti yt i dashur

Lord Bajron, drejtuar Tereza Guiçiolit
25 gusht, 1819
E dashura ime Tereza!

E kam lexuar këtë libër në kopshtin tënd; dashuria ime ti nuk ishe aty, përndryshe nuk do të mund ta kisha lexuar. Është një prej librave të tu të preferuar dhe shkrimtari ishte një miku im. Ti nuk do t’i kuptosh këto fjalë në anglisht dhe të tjerët nuk do t’i kuptojnë, çka është dhe arsyeja pse nuk i kam kthyer ato në italisht. Por ti do të njohësh shkrimin e atij që të deshi me pasion dhe ti do ta zbulosh atë nëpërmjet një libri që ishte i yti se ai mund të mendonte vetëm për dashurinë. Nga ajo fjalë e bukur në të gjitha gjuhët, por mbi të gjitha në gjuhën tënde “amor mio” përbëhet ekzistenca ime këtu e më vonë kudo që të jem. Unë e ndjej se ekzistoj këtu ku jam dhe e ndjej se do vazhdoj të ekzistoj për atë qëllim që di të përcaktosh; fati im gjendet në duart e tua. Unë të dua dhe ti më do, të paktën ashtu siç më thua dhe siç vepron, çka të paktën është një ngushëllim i madh. Por ajo që ndjej për ty është më shumë se dashuri. Unë nuk mund të pushoj së dashuri ty. Mendo për mua ndonjëherë, nëse Alpet dhe oqeani do të na ndajnë, por ato nuk do të munden asnjëherë, vetëm nëse ti e dëshiron një gjë të tillë.

Ronald Reagan për bashkëshorten e tij
4 mars, 1983
E dashur Zonjë e Parë!

E di se sipas traditës këtë mëngjes unë duhet të vendos kartolina të tipit “Gëzuar Përvjetorin!”, në tabakanë ku ndodhet mëngjesi yt. Por gjërat janë disi të ndërlikuara. Unë i zëvendësova ato me një dhuratë të cilën e dorëzova disa javë më parë. Sidoqoftë kjo mbetet dita që shënon 31 vite lumturie, të tillë që rrallë burrave u ndodh. Të kam thënë njëherë që kjo ka qenë njësoj siç e ëndërron një adoleshent martesën. E akoma mendoj njësoj. Ti e di se unë e dua fermën, por këto dy ditët e fundit ma kanë bërë më se të qartë se unë e dua atë vetëm kur ti je aty. E kjo është e vërtetë për çdo vend, në çdo kohë. Kur ti nuk je aty, unë nuk jam askund, vetëm një i humbur në kohë e hapësirë. Unë ndjej më shumë se dashuri për ty, unë nuk jam i plotë pa ty. Ti je jeta në mua. Kur ti nuk je pranë meje, unë pres kthimin tënd që të filloj të jetoj sërish.
Gëzuar përvjetorin dhe faleminderit për 31 vitet e mrekullueshme!

Të dua
Bashkëshorti yt mirënjohës,
Ronald

Pierre Curie për bashkëshorten e tij Marie, të dy kimistë që kanë fituar çmime Nobel
E dashur Marie!

Asgjë s’do të lumturonte aq shumë sa një lajm nga ty. Ideja se do të qëndroj dy muaj pa dëgjuar për ty ka qenë tmerrësisht e papëlqyeshme për mua: Kjo është sa për të të thënë se letra jote e shkurtër ishte më se e mirëpritur nga unë. Shpresoj se ti do të kthehesh këtu tek ne në tetor. Ndërsa për sa më përket mua, mendoj se nuk do shkoj gjëkundi, do të qëndroj në fshat, ku e kaloj gjithë ditën para dritares së hapur apo në kopsht.Ne i kemi premtuar njëri-tjetrit, apo jo? – Që të jemi të paktën miq të mirë. Kjo vetëm nëse ti nuk do të ndërrosh mendje. Sepse nuk ka premtime që s’janë të domosdoshme, disa gjëra nuk mund të ndodhin vetëm se ashtu të duket më e drejtë. Do të ishte mirë gjithashtu, gjë të cilën unë s’guxoj ta besoj se mund të ndodhë, që të kalonim jetët tona pranë njëri-tjetrit, të hipnotizuar nga ëndrrat tona: Ëndrra jote patriotike, ëndrra jonë humanitare dhe ëndrra jonë shkencore.

Nga gjithë këto, ajo e fundit besoj se është më arsyeshmja. Me këtë dua të them se ne jemi të pafuqishëm të ndërrojmë rendin social dhe, edhe nëse nuk do ishim ne nuk do dinim se çfarë të bënim. Nga këndvështrimi shkencor në të kundërt ne mund të shpresojmë të bëjmë diçka, toka në të cilën shkelim këtu është më solide dhe çdo zbulim që bëjmë, sado i vogël qoftë, do të mbetet dituri e përftuar. E sheh se si funksionin: Kemi rënë dakord që do jemi shokë të mirë, por nëse ti largohesh nga Franca për një vit, do të kthehej në një miqësi platonike, atë të dy krijesave të cilat s’do ta shohin më njëra-tjetrën. A nuk do ishte më mirë sikur të qëndroje këtu me mua? E di se kjo pyetje të zemëron dhe se ti nuk do të flasësh më për këtë gjë, por gjithashtu unë ndihem aq i pavlerë para teje. Mendova të kërkoj lejen tënde për të të takuar, kështu si rastësisht në Fribourg. Por ti po qëndron atje nëse nuk jam gabuar, vetëm për një ditë dhe atë ditë ti sigurisht që do jesh në dispozicion të miqve tanë, Kovalskis-ëve.
Më beso, besniku yt
Pierre Curie

I mbyllur në burg për ta ndaluar që të takonte Olymbe Dunover, vajzën e varfër të një gruaje të shtresës së ulët, Volteri u arratis pak pasi shkroi letrën.
Hagë 1713

Unë jam burgosur këtu në emër të mbretit; ata mund të më marrin jetën, por jo dashurinë që ndjej për ty. Po, e adhuruara ime, sonte unë do të të shoh ty edhe nëse do të më duhet të lë kokën për këtë gjë. Për hir të Zotit, mos mu drejto me terma të tillë shkatërrimtarë kur shkruan; ti duhet të jetosh dhe të jesh e kujdesshme; ki kujdes nga zonja, mëma jote, duke qenë se ajo është armikja jote më e tmerrshme. Çfarë duhet të them? Ki kujdes nga të gjithë; mos beso askënd; ji gjithnjë në gjendje gatishmërie në çdo moment, sapo të dalë hëna; unë do të largohem fshehurazi nga hoteli, merr me vete kaloshin pasi do të largohem si veriu për në Sheveningen; unë do të marr letër e bojë me vete; ne do të shkruajmë letrat tona.

Nëse më do binde veten; dhe mblidh gjithë fuqinë e mendjes që të të vijë në ndihmë; mos lejo që nëna jote të vërejë ndonjë gjë, përpiqu të marrësh pikturat e tua dhe ji e bindur se asnjë kërcënim, apo dhe torturat më të mëdha nuk do të më ndalojnë që të të shërbej ty. Jo, asgjë nuk ka fuqinë që të më ndajë nga ty; dashuria jonë është ngritur me virtyte dhe do zgjasë për sa të jemi gjallë. Lamtumirë, nuk ka asgjë që unë nuk do guxoja të bëja për hirin tënd; ti meriton shumë më shumë se aq!
Lamtumirë zemra ime e dashur!
Volter

Theodore Roosevelts drejtuar bashkëshortes së tij, Edith Roosevelt
20 maj 1943
E dashur Bunny!

E di se çfarë është kjo – një letër për përvjetorin e martesës. Unë mendoj se duhet të mbërrijë në kohën e duhur. A të kujtohet ajo ditë e nxehtë qershori para tridhjetë e tre vitesh? Kisha e tejmbushur me njerëz, babai me atë jelekun e mrekullueshëm me pika blu, turmat në rrugë, velloja jote e bardhë, mamaja jote me një prej atyre kapeleve të mrekullueshme. Dhe, a e mban mend si ishte bota atëherë, e vogël dhe e rregullt, një rend ndryshe. Gjërat kanë ndryshuar shumë që atëherë. Asgjë s’ka ndodhur ashtu siç e imagjinonim se do të ndodhte përveç fëmijëve tanë. Ne s’e menduam asnjëherë se do t’i binim botës kryq e tërthor. Ne nuk e menduam kurrë se profesionet dhe interesat tona do të shkonin aq larg. Ne nuk e menduam kurrë se tridhjetë e tre vjetori i martesës sonë do të na gjente të zhytur në Luftën tonë të Dytë me mua sërish në front. Epo e dashur, duhet thënë se ne kemi jetuar sipas pjesës më të rëndësishme të ceremonisë “Në të mirë e në të keq, në pasuri e varfëri deri sa vdekja të na ndajë”.

Me shumë shumë dashuri,
Th. R

[ISTOGASJA_CH]

Janë pikërisht ato që në fakt udhëheqin klasifikimin në Europë, siç tregon një studim i kryer nga një institut holandez rreth zakoneve seksuale të femrave europiane

Plot 59 për qind e grave ruse kryejnë raporte seksuale të paktën një herë në javë, kundër 38 për qind austriakeve, të cilat kanë më pak aktivitet nën “çarçaf”.

Që ruset ishin të nxehta, shumë të nxehta, madje të zjarrta, mes të tjerash ishte treguar shumë kohë më parë në të përmuajshmen “Esquire”, në të cilën bëhej një klasifikim i pazakontë i “Olimpiadës së seksit”.

Pyetjes për të zgjedhur mes një raporti seksual dhe një përqafimi të ngrohtë, 83 për qind e ruseve që iu përgjigjën sondazhit kishin treguar se preferonin më mirë të kishin një raport të zjarrtë seksual, duke u shkëputur ndjeshëm nga spanjollet me 76 për qind, brazilianet me 72 për qind, gjermanet 69 për qind, anglezet 68 për qind dhe në fund amerikanet me 63 për qind.

Kështu, edhe pse Rusia nuk është vendi i të famshmit “Sex and the city” (“Seksi dhe qyteti”), femrat ruse meritojnë medaljen e artë mes të “eturave për seks”. Në vend të dytë, sipas studimit holandez, të cituara në të përditshmen gjermane “Die Welt” renditen gratë e Republikës Çeke (57%).

Ndërsa në vend të tretë pozicionohen gjermanet, ku 46 për qind e grave kanë raporte të vazhdueshme seksuale gjatë gjithë javës. Shtetaset e zonjës Merkel, që e kanë moshën mesatare të raportit të parë seksual 16-17 vjeç, nuk duken shumë të informuara ose të interesuara për parandalimin e shtatzënive të padëshiruara dhe vetëm një në pesë gra përdor kontraceptiv. Vendi i fundit u takon austriakeve: vetëm 38 për qind e tyre kanë një ose më shumë raporte seksuale në javë.

Megjithatë, domethënia e këtyre rezultateve, sipas ekspertëve, është shumë më komplekse nga sa mund të mendohet. “Të etura për seks” në fakt, për studiuesit nuk është përkufizimi i saktë. Bëhet fjalë pak a shumë për gra që më në fund e kanë mësuar se seksi dhe përkëdheljet janë njëlloj të rëndësishme, ndaj asnjëra nuk mund ta përjashtojë tjetrën. Me pak fjalë, gra të emancipuara dhe më “të lira” në të bërit seks.

“Olimpiadat” e “Esquire” kishin marrë shembull konkret se si gratë në përgjithësi tani e kanë ndryshuar konceptin për virgjërinë dhe preferojnë ta humbasin shpejt atë. Mosha mesatare në të cilën humbet virgjëria është 16 vjeç për amerikanet, anglezet, australianet dhe suedezet. Ndërsa presin moshën 17-vjeçare për t‘u bërë “gra” italianet, spanjollet, filipinaset dhe ruset. Kështu, edhe pse më të zjarrta në seks, ruset preferojnë ta nisin këtë aktivitet më vonë se shoqet e tyre.

Në sondazhin e bërë nga “Esquire”, në fakt kërkohej të vendosej me një shkallë vlerësimi nga njëshi te dhjeta se sa rëndësi ka për to bukuria e personit me të cilin zgjedhin të ndajnë shtratin. Kështu, ruset u renditën të dytat pas izraeliteve. Ndërsa të fundit në listë ishin femrat polake dhe ato indoneziane. Por nëse femrat ruse djegin nga dëshira për të bërë seks, mos u shqetësoni, meshkujt janë më monogamët në Europë, i mbajnë shumë premtimet dhe arrijnë t‘i kënaqin në çdo aspekt bashkëshortet ose shoqet e tyre.

Për pyetjen se “me sa burra keni shkuar në shtrat”, medaljen e artë e kanë marrë brazilianet, ruset dhe izraelitet, me një mesatare prej dhjetë partnerësh, para amerikaneve që kanë pasur rreth nëntë shokë “poshtë” çarçafëve dhe spanjolleve me tetë burra në të kaluarën e tyre. Të fundit në listë kanë qenë italianet dhe polaket, vetëm me pesë burra. Ndërsa për sa u përket raporteve homoseksuale, italianet janë të fundit në një klasifikim të dominuar nga amerikanet (ku 26 për qind kanë pasur raport tresh), ndërsa 43 për qind e femrave australianeve pranonin se kanë pasur raporte lesbike.

Në fund, një tjetër fakt interesant: italianet nuk janë të interesuara për pornografinë dhe së bashku me filipinaset janë të vetmet që nuk kanë një vibrator. Në këtë fushë, më “të shkatërruarat” janë amerikanet dhe anglezet, që gjenden në krye të “hit-parade”-it me 46 dhe 45 për qind. Sondazhi tregon gjithashtu se pjesa më e madhe e ruseve pëlqejnë burrat leshtorë dhe të gjitha “vdesin” për frazën “ke sy shumë të bukur”. Por jo vetëm kaq.

Femrat ruse janë më të shëndetshmet dhe më të bukurat në Europë. Pas “përqindjes së inteligjencës” vjen edhe “përqindja e mirëqenies” dhe ato që janë në krye janë gratë italiane, të ndjekura më pas nga francezet dhe spanjollet. Ruset dhe italianet i dedikojnë çdo ditë gjysmë ore më shumë kujdesit për veten, sesa shoqet e tyre angleze dhe gjermane. Ato kanë lëkurën më të shëndetshme, flokët që shndrijnë më shumë dhe në mënyrën e ushqyerjes së përditshme nuk kanë asnjë konkurrent.

Klasifikimi ka dalë nga një studim i bërë nga shoqëria shumëkombëshe “Calypso”, duke përfshirë në studim 1000 gra nga 10 vende të ndryshme europiane dhe me moshë nga 25 deri në 45 vjeçe. Për sa i përket mirëqenies, “top ten”-i kryesohet nga italianet, të dytat francezet, të tretat spanjollet, të katërtat austriaket dhe të pestat gjermanet. Vazhdojnë renditjen më pas anglezet, suedezet, ruset, zviceranet dhe danezet.

Matja e kësaj përqindjeje u përbë nga faktorë të ndryshëm, në gjendje për të vlerësuar kujdesin që gratë tregojnë për sa i përket trupit të tyre dhe në veçanti lëkurës, duarve dhe flokëve. Për sa i përket lëkurës, si ajo e fytyrës, edhe lëkura e trupit te gratë ruse rezultoi e shëndetshme dhe e shndritshme në më shumë se 65 për qind të rasteve; duar të bukura dhe të buta në plot 76 për qind dhe flokë të dendur dhe të shndritshëm plot 80 për qind.

Një tjetër parametër i rëndësishëm për të vlerësuar mirëqenien është edhe trupi në përgjithësi. Më shumë për tonifikimin, butësinë dhe atletizmin, sesa për bukurinë dhe rrumbullakësinë e tij, ku francezet dhe spanjollet dominonin. Gjithashtu u vlerësua edhe koha së cilën gratë ia dedikonin çdo ditë kujdesit ndaj vetvetes, ku përfshiheshin edhe zakonet e tyre për trajtimet e ndryshme që bënin.

Në vend të parë janë francezet me 65 për qind, gjermanet me 49 për qind, suedezet me 44 për qind, spanjollet me 40 për qind dhe në fund renditen anglezet me 31 për qind. Sipas studimit, femrat italiane i kushtojnë mirëqenies së tyre mesatarisht 40 deri në 50 minuta çdo ditë, kundrejt 45 minutave të francezeve, 35 të spanjolleve dhe holandezeve, 33 të austriakeve, 28 të gjermaneve, 25 të ruseve dhe vetëm 14 minutave të anglezeve.

Në fund u pa se italianet pëlqejnë shumë sportin dhe ushqimin e shëndetshëm, ndërsa francezet janë shumë dembele për sa u përket aktiviteteve sportive, spanjollet preferojnë një stil të çrregullt jetese, duke ndenjur jashtë dhe duke u argëtuar deri në orët e para të mëngjesit thuajse çdo fundjavë.

[ISTOGASJA_CH]

# Koka e njeriut qendron e vetedijshme per 15 deri ne 20 sekonda pasi eshte shkeputur nga trupi (prere).

# Rreth 2500 njerez me dore te majte vriten c’do vit per shkak te perdorimit te produkteve qe prodhohen per njerez me dore te djathte.

# Kur Tomas Edison vdiq, Henry Ford mbylli frymen e tij te fundit ne nje shishe.

# Karrikja elektrike u shpik nga nje dentist.

# Egjiptianet e lashte rruanin vetullat per te mbajtur zi kur u ngordhnin macet.

# Vetem 1 ne 2 bilion njerez jetojne per 116 vjet ose me shume.

# Njerezit me dore te djathte jetojne 9 vjet me shume se sallaksat.

# C’do 23 minuta, ne Amerike ndodh nje vrasje.

# Ne Amerike ndodhin rreth 300,000 vdekje ne vit, te cilat kane lidhje thuajse te drejtperdrejte me mbipeshen.

# Kur nje person vdes, degjimi eshte zakonisht shqisa e fundit qe humb. I pari eshte shikimi, pastaj vjen shija, prekja dhe nuhatja.

# Kacabunjte mund te jetojne deri ne 9 dite pa koke. Mbas 9 ditesh eventualisht ngordhin nga uria dhe mosushqimi.

# Njerezit kane me teper frike nga merimangat sesa nga vdekja. Gjithsesi, statistikisht nje person ka me teper shance te vdese nga nje tape shampanje sesa nga pickimi i nje merimange helmuese.

# Nje trup i vdekur dekompozohet 4 here me shpejt ne uje sesa ne toke.

# Ne kondicione te vecanta lageshtie dhe nxehtesie, mishi i nje trupi te varrosur kthehet ne sapun.

# Eshte e pamundur te vetvritesh duke mbajtur frymen vete. Gjeja me e keqe qe mund te ndodhe eshte te renit te fiket, pas se ciles mushkrite do fillojne te marrin fryme automatikisht.

# Statistikisht ka me teper vetvrasje meshkujsh sesa femrash; raporti eshte perkatesisht 4 meshkuj – 1 femer. Kjo ndodh per shkak te stigmes sociale: Femrat flasin haptazi per subjektin dhe kerkojne ndihme, ndersa per meshkujt konsiderohet si dobesi dhe turp.

Marrë nga faqja: www.parathenie.com

[ISTOGASJA_CH]

1. Njerezit harrojne 90% te enderrave – ndermjet 5 minutash pas zgjimit, gjysma e nje enderre eshte harruar; pas 10 minutash 90% e saj nuk kujtohet me.
2. Njerezit e verber enderrojne gjithashtu – ata te cilet jane verbuar pas lindjes mund te shohin imazhe ne enderra, te tjeret qe kane lindur te verber nuk shikojne imazhe, por enderrat e tyre jane po aq te ndjeshme sa te tjereve, duke perfshire shqisat dhe senset e tjera si tingujt, nuhatja, prekja, apo emocioni.
3. Gjithkush enderron – c’do njeri shikon enderra (pervecse ne raste me semundje apo c’rregullime psikologjike ekstreme). Nese mendoni se nuk po enderroni, thjesht keni harruar endrren.
4. Ne enderr shohim vetem fytyra qe i kemi pare me pare – truri nuk shpik fytyra ne kete rast. Ne enederr shohim vetem ato fytyra qe i kemi pare njehere pergjate jetes, por qe mund te mos i njohim fare ose te mos i mbajme mend.
5. Jo gjithkush enderron me ngjyra – 12% e njerezve qe nuk jane te verber, enderrojne ekskluzivisht ne bardhe e zi.
6. Enderrat jane simbolike – nese enderroni per nje subjekt ne vecanti, nuk ndodh shpesh qe enderra juaj te kete njefare kuptimi per ate subjekt qe keni pare. Enderrat “flasin” me nje gjuhe thellesisht simbolike.
7. Emocionet – emocioni me i zakonshem neper enderra eshte ankthi. Emocionet negative jane me te shumte se ato pozitive.
8. Njerezit shohin 4 deri ne 7 enderra ne nje nate – mesatarisht, ju mund te enderroni rreth 1 ose 2 ore c’do nate.
9. Edhe kafshet enderrojne – studimet e shumta ne kafshe te ndryshme kane treguar te njejtat vale te trurit te tyre sikurse pergjate enderrimit ne gjume te trurit te njerezve. Shikoni nje qen per shembull kur fle; shpesh here ndodh qe putrat levizin sikur te qe duke vrapuar dhe ne te njejten kohe leshon tinguj sikur te qe duke ndjekur dicka ne enderr.
10. Paralizimi trupor – Gjumi REM (rapid eye movement/levizje e shpejte e syve) eshte nje faze normale e gjumit, e cila karakterizohet nga levizja shume e shpejte e syve. Gjumi REM tek adultet perben tipikisht rreth 20-25 perqind te gjumit total, rreth 90-120 minuta. Pergjate ketij gjumi, trupi paralizohet nga nje mekanizem ne tru ne menyre qe te mos lejoje levizjet te cilat ndodhin ne enderr, te ndodhin dhe fizikisht kur ju jeni ne gjume. Gjithsesi, eshte e mundur per kete mekanizem te aktivizohet perpara, pergjate, ose pas gjumit normal kur truri zgjohet.
11. Interaktiviteti i enderrave – truri i njeriut interpreton stimulet e jashtme qe dashje pa dashje kapen nga senset kur jemi ne gjume, dhe keshtu ne te njejten kohe i perkthen si te tille ne enderr. Kjo do te thote se ndonjehere ne enderr, degjojme nje tingull apo ze nga realiteti dhe e ndjejme si te tille apo ne menyra te ngjashme, ne enderr. Per shembull: ju mund te enderroni sikur jeni ne nje koncert muzikor kur dikush po luan afer jush ne piano teksa po flini.
12. Meshkujt dhe femrat enderrojne ndryshe – meshkujt enderrojne me teper meshkuj te tjere. Rreth 70% te karaktereve ne nje enderr mashkullore jane meshkuj. Nga ana tjeter, enderra e nje femre permban thuajse nje numer te barabarte meshkujsh dhe femrash. Pervec kesaj, enderrat e meshkujve jane gjeneralisht me agresive ne emocione sesa enderrat e femrave.
13. Enderra perseritese – rezultate nga studime dhe anketa te shumta te bera kundrejt grupe popullsishe te medha, indikojne se 18% dhe 38% te njerezve kane pare te pakten 1 enderr me elemente nga enderra te tjera, dhe rreth 70% kane pasur déjà vu.
14. Nese jeni duke gerrhitur, atehere eshte e pamundur per te enderruar.
15. Orgazma ndodh dhe ne enderr – jo vetem qe mund te beni seks aq kenaqshem sikurse te ishte ne realitet pergjate nje enderre, por ju mund edhe ta ndjeni orgazmen poaq te forte sikur te qe e vertete, pa pasur fare elementet fizike qe keni pas nje orgazme fizike (rrjedhje, lageshtia tek femrat etj). Enderrat ‘reale’ kane ndjesi te njejta me boten reale, ne mos me te forta.


Marrë nga www.parathenie.com

[ISTOGASJA_CH]

1. Shkencetaret thone se sa me i madh te jete IQ i nje personi, aq me teper ai person do te enderroje.
2. Qeliza me e madhe ne trupin e njeriut eshte veza e femres, ndersa ajo me e vogla eshte spermatozoidi i mashkullit.
3. Ne perdorim 200 muskuj per te hedhur nje hap.
4. Gishtat e medhenj te kembes kane nga 2 kocka secili, ndersa te tjeret 3.
5. Nje pale kembesh permban rreth 250,000 gjendrra djerse.
6. Acidi ne stomakun tuaj eshte aq i forte saqe mund te trese brisqe rrojesh.
7. Qeliza njerezore e trurit mund te mbaje 5 here me teper informacion se e gjithe Enciklopedia Britannica.
8. Endrra mesatare e njeriut zgjat per 2-3 sekonda.
9. Meshkuj qe nuk kane qime ne gjoks jane me te prire per te zhvilluar ceroze te melcise sesa ata qe kane.
10. Ne secilen kembe ka rreth 1 trilion bakterie.
11. Trupi juaj leshon nxehtesi ne gjysme ore e cila eshte e mjaftueshme per te zier gjysme galloni uje.
12. Enameli ne dhembe eshte substanca me e forte ne trupin e njeriut.
13. Dhembet fillojne te rriten 6 muaj pas lindjes.
14. Kur jeni duke shikuar nje person qe dashuroni, bebet e syve zmadhohen; e njejta gje ndodh kur shikoni nje person qe urreni.
15. Gishti juaj i madh eshte me gjatesi te njejte me hunden.
16. Sistemi qarkullues i arterieve, venave dhe kapilareve eshte rreth 60,000 milje i gjate.
17. C’do dite, nje personi te zakonshem i bien rreth 60-100 fije folkesh.
18. Siperfaqja e mushkrive njerezore eshte e madhe sa nje fushe tenisi.
19. Numri i marrdhenieve seksuale ne dite per te gjithe njerezit e Tokes bashke sot eshte ne 120 milion.
20. 1 nga c’do 2,000 bebe lind me nje dhemb.
21. Shumica e meshkujve kane ereksione c’do ore kur jane ne gjume.
22. Mbasi keni ngrene me shume sec duhet, degjimi juaj eshte me i dobet perkohesisht.
23. Edhe zhurmat me te vogla shkaktojne bebet e syrit te zmadhohen.
24. C’dokush ka nuhatje unike, pervecse binjakeve identike.
25. Nga mosha 60 vjecare, shumica e njerezve do te kene humbur afersisht gjysmen e gjendrrave te shijes.
26. Njerezit e kane me te lehte te rrine pa ngrene sesa pa gjume.
27. Nje koke njeriu vazhdon te qendroje e vetedijshme per rreth 15-20 sekonda pasi eshte e shkeputura nga trupi (prere).
28. Dhembi eshte pjesa e vetme e trupit te njeriut qe nuk mund te sheroje/riparoje vetveten.
29. 300 milion qeliza ne trupin e njeriut vdesin c’do minute.
30. Njerezit humbasin rreth 600,000 grimca lekure c’do minute.
31. Buzet e njeriut kane ngjyre te kuqe per shkak te koncetrimit teper te madh te shume kapilareve te gjakut shume pak poshte lekures.
32. Sa me e ftohte te jete dhoma ku flini, aq me i madh eshte probabiliteti per te pare nje enderr te keqe (makth).
33. Veshet sekretojne me teper dylle veshi kur jeni te frikesuar, sesa kur jeni te qete.
34. Njerezit jane kafshet e vetme qe prodhojne lote prej emocioneve.

[ISTOGASJA_CH]

Krahas “adeteve” të tjera të shumta nëpër dasmat shqiptare të Gostivarit dhe rrethinës, gjatë sezonit të dasmave të sivjetshme është duke ndodhur një tjetër dukuri e pazakontë. Harxhimeve marramendëse të dasmave, në dy dasma u janë shtuar edhe pagesat për shpenzimet e helikopterëve të marra me qira, raporton tv2.
Në fshatin Gradec të Gostivarit, në ditën e martesës nusja ka zbritur në shtëpinë e dhëndrit me anë të helikopterit. Ky rast nuk është i vetëm, gjatë fillimit të muajt gusht është paralajmëruar edhe një tjetër rast ku në funksion sërish do të vihet helikopteri. Babai ka vendosur që djalin ta shëtis me helikopter përpara se djali me ju nënshtruar operacionit të synetit. Krahas helikopterit, dasma që organizohet nga një banor i fshatit Debresh të Gostivarit, pronar i një firme private në Zvicër, do të jetë një atraksion tjetër për publikun, do të rikthehet tradita e ndeshjeve me pelivana. Dasma e familjes Ferati nuk do të mbari me kaq. Në mbrëmjen e dy gushtit është paralajmëruar një tjetër organizim me prezencën e yjeve më të njohura të estradës shqiptare. Sabri Fezullai, Leonora Jakupi, Sinan Vllasaliu, Ilir Shaqiri, Ermal Fezullai, Shkurte Fejza, Remzie dhe Nexhat Osmani do të jenë ndër 15 këngëtarët e ftuar në dasmën e familjes Ferati nga Debreshi i Gostivarit.
“Kemi afër 100 pelivana nga shumë shtete të rajonit dhe nga Maqedonia. Qëllimi është të ruhet tradita e dasmës shqiptare. Do të ketë edhe shumë këngëtarë të ftuar nga Shqipëria, Kosova dhe Maqedonia”, shprehet Shazo Ferati, babagjyshi i vogëlushit Jasin Ferati, duke shtuar se me rastin e dasmës së tyre, të ftuar do të jenë shumë personalitete publike nga sfera e politikës, kulturës e tjerë.
Sipas informatave jo zyrtare, në këto dy raste, helikopterët janë siguruar nga Ministria e Punëve të Brendshme. Për një orë, huazimi i helikopterëve kushton prej dy deri tre mijë euro. Relazioni, Gradec – Kamjan, nga ku dhe është marrë nusja, banorit të fshatit Gradec me punë të përkohshme në Gjermani i ka kushtuar 30 mijë euro, për shkak se helikopterin e ka pas të porositur për gjithë ditën.
Nëse dasma e zakonshme shqiptare në këto treva arrin shpenzime prej 10 deri 25 mijë euro, rastet në fjalë tejkalojnë koston financiare shumëfishtë nga dasmat e zakonshme.
Sezoni i dasmave në Gostivar tanimë ndodhet në kulmin e vet. Nga informatat e marra nga restorantet e njohura për organizimet e tilla familjare, rezulton që deri tani janë
rezervuar mbi 600 dasma.
Nga një kalkulim i përgjithshëm për harxhimet mesatare të dasmave të planifikuara për këtë vit në Gostivar, në qarkullim mendohet të jenë më tepër se 9 milion e 800 mijë euro, pa llogaritur këto edhe shpenzime të tjera në raste të caktuara. Në këtë shumë nuk janë evidentuar as dasmat që ndodhin nëpër vendbanimet më të mëdha përreth qytetit të Gostivarit, siç janë Çegrani, Debreshi dhe Gradec. Në këto vendbanime, funksionojnë me dhjetëra sallone dasmash. Sezoni veror i dasmave në Gostivar dhe rrethinë fillon me fillimin e muajt korrik dhe zgjat deri në mbarim të gushtit, por sivjet, për shkak të fillimit të muajt Ramazan, dasmat pritet të përfundojnë me fillimin e agjërimit.

[ISTOGASJA_CH]

Pa idetë e këtyre gjenive bota sot do të kishte një tjetër pamje

Platoni besonte se secili prej nesh synon të jetë një qenie njerëzore e realizuar dhe se filozofia është shkenca që na ndihmon të gjejmë mënyrën e këtij realizimi. Në kohën e tij filozofia ishte një disiplinë e re. Një nga idetë më radikale të Platonit ishte barazia mes realizimit dhe lumturisë njerëzore, me atë që ai e cilësonte si harmonia e brendshme e psikikës sonë. Nëse do t‘i hedhim një vështrim Homerit dhe gjithë poetëve grekë që ishin para tij, bëhej fjalë për një çështje të jashtme. Platoni ka thënë se drejtësia dhe virtyti janë çështje të brendshme, pra gjendje të brendshme të shpirtit. Më vonë ky këndvështrim i Platonit u zhvillua nga krishterimi dhe doli ajo që ata e quajnë ndërgjegje. Ideja e Platonit ishte një hap shumë i madh përpara në historinë e etikës dhe fesë perëndimore dhe pati një ndikim në zhvillimin e krishterimit.

Teoria e Universit, sipas së cilës Dielli ndodhet në qendër të tij (Koperniku)

Edhe pse Galileo Galilei nuk ishte i pari që sugjeroi rrotullimin e Tokës rreth Diellit (madje nuk ishte as Nikolla Koperniku, pasi burimet flasin për astronomin grek Aristarus që e bëri një sugjerim të tillë 2000 vjet para tyre) zbulimi i Galileos dha prova dhe fakte për këtë teori. Kjo teori pati një ndikim të jashtëzakonshëm. Ai zbuloi njollat e Diellit dhe ishte një nga të parët që zbuloi edhe hënat e Jupiterit, çka tregonte se Toka nuk ishte e vetmja qendër e universit. Ai, gjithashtu, kuptoi se Rruga e Qumështit nuk ishte vetëm një vijë e shndritshme në qiell, por një vijë që përbëhej nga shumë yje. Të gjitha këto zbulime janë ndër më të mëdhatë e bëra ndonjëherë në astronomi. Zbulimi kyç i Galileos ishte nisja e kërkimeve shkencore të yjeve, duke përdorur teleskopët, që do të mundësonin pamje shumë të thella të universit në krahasim me syrin.

Dekarti

Me deklaratën “cogito ergo sum” (mendoj, pra jam), Dekarti e vendosi të menduarit në qendër të kërkimit të tij. Në vend që të fillonte me fizikën dhe botën natyrore, ai e nisi me këtë veti njerëzore. Dekarti arriti që të bënte dallimin mes mendjes dhe materies. Ai me të drejtë quhet “babai” i filozofisë moderne. Perspektiva e tij e drejtuar për nga mendimi dhe ndërgjegjja, sikur ato të ndodheshin jashtë sferës së shkencës natyrore, ishte një ide me të vërtetë domethënëse, ide që edhe sot nuk është eksploruar plotësisht. Mendimet e këtij filozofi i hapën udhë një studimi serioz në lidhje me perceptimin e hapësirën psikologjike të njeriut.

Teoria e Gravitetit Universal

Teoria e Njutonit ishte demonstrimi i parë që matematika mund të përdorej për të kuptuar botën natyrore. Kështu mund të parashikojmë eklipset e ndryshme edhe një shekull para se të ndodhin, sepse sistemi i orbitave të planetëve është shumë i thjeshtë. Nëse Njutoni nuk do të kishte ekzistuar, atëherë ndoshta do të kishte kaluar një shekull, a më shumë kohë para se dikush të kishte dalë në përfundimin e tij. Koncepti që universi lëviz sipas rregullave të matematikës ishte shumë i rëndësishëm për kulturën e shekullit të 18-të. Graviteti i Njutonit është ende baza e shumë programeve dhe e shumë shpikjeve të kohës sonë.

Adam Smith dhe ekonomia e tij “Laissez-Faire”

Ideja më e madhe ekonomike e Adam Smithit ishte se individët duhet të lihen të lirë të ndjekin interesin e tyre gjithmonë në kuadrin e së mirës së përbashkët. Kjo ide ishte revolucionarizuese, sepse, sipas saj, njerëzit nuk kanë nevojën e një despoti mbi kryet e tyre për të mbikëqyrur të mirën e përgjithshme. Gjithçka që njeriu ka nevojë është tregu. Kjo pikëpamje është huazuar nga Banka Botërore dhe atë e gjen edhe pas retorikës së disa prej politikave të Bushit. Por ka edhe një tjetër ide që përflitet më pak nga partizanët e tregut të lirë, që u jep të drejtë qeverive të ndërhyjnë në disa zona të caktuara. Aktualisht, e ashtuquajtura “dorë e padukshme” e Adam Smithit është një ide e diskredituar, e megjithatë ajo vazhdon të ketë ndikim qoftë për mirë, qoftë për keq.

Liria e grave

Përligjja e të drejtave të grave (1792) është jashtëzakonisht e rëndësishme. Mary Wollstonecraft i kritikoi të gjitha mënyrat me të cilat femra mbahet e “prangosur” brenda suazës së feminizmit. Në fund të shekullit të 19-të, gratë u turbulluan nga radikalizmi që predikonte ajo. Mary mendonte se gratë duhet të jenë të lira të zgjedhin për jetën e tyre, sikurse burrat. Me gjithë përpjekjet e mëdha në shekujt vetëm pas Luftës II Botërore në vitet ‘60, gratë shkuan pranë idesë së Wollstonecraft. Sigurisht që ishte një kohë e gjatë që nga “revolucioni” që propozoi Mary, por herët a vonë ky ndryshim do të kishte ardhur.

Analiza marksiste e kapitalit

Analiza e Marksit është e një rëndësie unike, sepse ajo studioi zhvillimin e kapitalizmit modern. Ai tha se konflikti në botë nuk është mes gjinive dhe racave, është mes 95% të popullsisë së botës që krijon pasuritë dhe vlerat dhe 5% të popullsisë që është pronare e të mirave. Marksi na dha një nga shpjegimet më të mira në lidhje me atë që po ndodhte në atë kohë dhe që nuk mund ta hedhësh poshtë as sot. Kapitalizmi është forcuar dhe më në fund njerëzit kanë nisur të kuptojnë se çfarë po ndodh. Ai i ndihmon njerëzit të kuptojnë për shembull se Shtetet e Bashkuara e pushtuan Irakun, sepse kërkonin naftën e tij.

Teoria e nënndërgjegjes

Frojdi eksploroi rrugën përmes së cilës nënndërgjegjja drejton disa nga veprimet tona, e që na çon të bëjmë lëvizje që ndërgjegjja nuk do t‘i kishte bërë kurrë, pasi nuk do të ishin në interesin tonë. Ai tha i pari që përmes ëndrrave, apo lapsuseve të të folurit njerëzit mund të kuptojnë shumë nga vetja e tyre e vërtetë. Frojdi i shndërroi marrëdhëniet njerëzore në objekt studimi, duke nënvizuar se natyra jonë është shumë më komplekse dhe e ndërlikuar nga sa kujtojmë. Tani jetojmë në një shoqëri post-frojdiane, çka do të thotë se besojmë që emocionet janë shumë të rëndësishme në motivimin e qenies sonë. Frojdi hodhi poshtë gjithë argumentin racionalist.

Teoria e Relativitetit

Teoria e Ajnshtajnit ishte nga ato të paktat që shndërroi botën. Në dukje të parë nuk të jep këtë përshtypje, pasi është shumë e çuditshme. Kjo teori është në thelb të çdo teorie moderne në lidhje me funksionimin e botës, duke nisur që nga elektriciteti, magnetizmi, transistorët etj. Pa relativitetin nuk do të kishim një pamje moderne të botës, atë që kemi sot.

World Wide Web

Në më pak se dy dhjetëvjeçarë rrjeti ka shkuar nga zero, në miliarda faqe (askush nuk e di saktësisht se sa) duke u dhënë të gjithëve mundësinë e shndërrimit në publikues apo transmetues. Ai ka sjellë shumë lehtësira, por, nga ana tjetër, e ka bërë mjaft të vështirë mbajtjen e sekreteve në këtë botë. Tim Berners-Lee, që e shpiku thuajse i vetëm gjatë viteve 1989-‘90, është Gutenbergu i kohës sonë. Gutenbergu revolucionarizoi shtypshkrimin në vitin 1455, duke e tronditur shumë autoritetin e kishës katolike, duke nxitur reformimin, duke mundësuar shkencën e duke i dhënë formë botës së re. Web-i është një teknologji e krahasueshme me shtypshkronjën. Por, për të vlerësuar më mirë pasojat e revolucionit që nisi 20 vjet më parë, do të duhet shumë kohë.

[ISTOGASJA_CH]

Përkundër globalizimit dhe internetit, ku vetëm me një klikim mund të blini pothuajse gjithçka, një numër i madh i njerëzve udhëtojnë vetëm për shoping. Gazeta britanike “The Guardian” para pak kohe e publikoi një listë të destinacioneve më të dëshiruara për shoping, sipas së cilës për blerje të gardërobës së femrave më e mirë është adresa e Milanos “Korzo Komo 10” dhe butiku i Parisit “Kolet”. Qyteti me më shumë brende ndërkombëtare është Londra, ndërsa pas tij vijojnë Parisi, Moska, Madridi dhe metropoli italian i modës – Milano.

Milanoja e para

Milano është njëri ndër qytetet më të mira për shoping. Aty mund të gjeni gjithçka – nga më të shtrenjta deri te më të lirat. Shitoret e shtrenjta gjenden në qendër të qytetit dhe rrugët rreth sheshit “Duomo”, si “Via Montenapoleone”, “Via dela spiga”, ndërsa shitore më të kapshme për xhepin tuaj mund të gjeni në rrugicat “Korzo Vitorio Emanuele” dhe “Korzo Buenos Aires”. Në disa shitore kur ka zbritje të çmimeve mund të gjeni xhinse për 10 euro, ndërsa kapotat dimërore dhe çizmet janë me 70 % lirim. Rreth Milanos mund të bëni shoping në “autlete”, në të cilat e keni ndjenjën e njëjtë të luksit, me të gjitha brendet e dizajnit, dhe me çmim më të lirë.

Vjena

Në mesin e dhjetë qyteteve të para për shoping gjendet edhe Vjena. Banorët lokal tradicionalisht shkojnë në shoping në rrugën e njohur “Mariahifler”. Këtu mund të gjeni shtëpi të mëdha mallrash, zinxhirë tradicional ndërkombëtar, me shumë zbritje të çmimeve dhe me oferta speciale. Nëse keni më shumë të holla, mund të gjeni modë ekskluzive në lagjen “Frajhausfirtl”.Përveç brendeve të njohura të Austrisë, këtu hasen edhe brendet e njohura ndërkombëtare. Dashamirët e antikiteteve mund të gjejnë gjëra interesante në këtë lagje.

Frankfurt, Antverpen

Sipas “Guardian” përzgjedhje e mirë për shoping është edhe Frankfurti, për shkak të rrugës së njohur për shoping “Cajl”, e cila ka qarkullim më ta madh më Evropë. Qyteti më i pasur në Belgjikë, Antverpeni, përveç se e ka epitetin e qytetit të diamanteve, ai është edhe qendër e rëndësishme për shoping. Ky qytet është magnet për “personat e varur” nga shopingu por edhe për dashamirët e artit dhe historisë. “Der Mer” është rruga më e njohur për shoping. Në të hasen brendet më të mëdha evropiane si “Espirit”, “Dizel”, Riplej”, “Mango” etj.

Librari, dizajnerë

Përzgjedhje më e mirë për libra mund të bëni në libraritë e Londrës dhe Parisit, ndërsa dhuratat më të mira mund t’i blini në “Dejrol” dhe “Dehilerin” në Paris, “Nikola Alzijari” në Nicë dhe “Karta Venecia” në Venedik. Më shumë dizajnerë ka në Berlinin lindor. Rruga “Fridrih” është e mbushur me shitore të vogla, ndonëse aty mund të gjenden edhe qendra të mëdha për shoping. Në Berlinin perëndimor vend i mirë për shoping është qendra tregtare KVD.
Të gjitha qytetet janë të mira për shoping, nëse keni shuma të majme parash. Mirëpo nëse nuk i takoni kësaj kategorie, çmime më të mira në qendrat tregtare të njohura mund të gjeni në shkurt kur ulen çmimet prej 70 % deri në 90 %. Nëse kriza nuk ka pasur efekt ndaj shprehive tuaja për shoping, ndoshta gjatë fundjavave do ta vizitoni ndonjërin prej këtyre destinacioneve.

[ISTOGASJA_CH]

Duke marrë shkas nga arrestimi i njërit prej kapove të organizatës mafioze “Sacra Corona Unita” në Vlorë, gazeta “Tirana Observer” boton sot 20 organizatat mafioze më të rrezikshme në të gjithë botën. Historitë e tyre, si kanë lindur, vrasjet që kanë bërë, buja e tyre si edhe kush i mbështet. Si mafia më e rrezikshme cilësohet organizata më famshme në botë “Cosa Nostra”. Për këtë organizatë janë shkuar libra, bërë filma hollivudianë, shkruar me qindra artikuj, duke e kthyer këtë organizatë mafiozë në një mit. Në 20 grupet mafioze më të rrezikshme në botë është edhe “SACRA CORONA UNITA”. Kjo nuk është e vetmja organizatë mafioze në Pulia të Italisë, por pa asnjë dyshim është më e rëndësishmja dhe më e madhja. Selinë qendrore e ka në Pulia. Fillimet e saj i ka në vitet ‘80 dhe sot është organizimi më i fuqishëm. Përbëhet nga 7 organizata dhe 47 familje dhe me rreth 1755 anëtarë, kryesisht në provincën e Brindizit, Leçes dhe Torontos. Është një organizim i ri në krahasim me organizimet e mëparshme të mafies, për sa i përket territorit dhe aferave, por aktualisht paraqitet dhe vepron me vendosmëri dhe egërsi të dukshme. E veçanta e kësaj mafieje është përdorimi i të miturve dhe lidhja e ngushtë me segmente shqiptarësh. Ndërsa “COSA NOSTRA” italiane është themeluar në fillim të shekullit XVI në Sicili, megjithatë lindja e kësaj organizate i atribuohet viteve të Luftës së Dytë Botërore, kur amerikanët ndihmuan ringritjen e mafies në Sicili. Shumë bosë italo-amerikanë, të burgosur në ShBA (si Lucky Luciano e Vito Genovese, sa për të thënë ndonjë emër), u kontaktuan nga CIA dhe u lanë të lirë në mënyrë që t’i siguronin mbështetje në Itali aleatëve. Nddësa “COSA NOSTRA” amerikane u themelua në fillim të shekullit të kaluar dhe u pasurua në dy dekadat e parë. Ajo lindi për dy arsye: Emigrimi në SHBA i një numri të madh italianësh midis të cilëve kishte dhe nga ata që ishin marrë me krime, dhe për shkak se shumë mafiozë nga Sicilia për t’i shpëtuar ligjit në Itali u detyruan të shkonin në SHBA. Një rol të madh në largimin e tyre e pati Mori, prefekti i Palermos gjatë periudhës fashiste, i cili i persekutoi për një kohë të gjatë. Janë 5 familje në Amerikë që mbanin kontakte të ngushta me krerët në Itali: Familja Bonano, Lukese, Kolombo, Xhenovese dhe Gambino, ku dy të fundit marrin pjesën me të madhe të fitimeve. Në këtë top-listë gjenden edhe tre organizata të tjera mafioze italiane, si “Camorra”, “Ndrangeta” dhe “Stidda”, duke pohuar edhe njëherë se Italia, ose më saktë Siccilia është vendi më “prodhimtar” për lindjen e mafioëve. Në këtë listë nuk kishin si të mungonin edhe organizatat mafioze ruse apo edhe ato kineze që kohët e fundit janë bërë shumë të fuqishme.

“COSA NOSTRA” italiane
Është themeluar në fillim të shekullit XVI në Sicili, megjithatë lindja e kësaj organizate i atribuohet viteve të Luftës së Dytë Botërore, kur amerikanët ndihmuan ringritjen e mafies në Sicili. Shumë bosë italo-amerikanë, të burgosur në ShBA (si Lucky Luciano e Vito Genovese, sa për të thënë ndonjë emër), u kontaktuan nga CIA dhe u lanë të lirë në mënyrë që t’i siguronin mbështetje në Itali aleatëve. Shefat historikë të “Cosa Nostra”-s siciliane kanë qenë Vito Kashio Ferro, Kaloxhero Vicini, Mikele Navarra, Luciano Lixhio, Mikele Greko, Gaetano Badalamenti, Stefano Bontade, Salvatore Riina, Bendeto Santapaola, Bernardo Provenzano.

“CAMORRA”
Kjo organizatë është themeluar nga mesi shekullit XVI në Napoli. Fjala “Camorra” dikur kishte kuptimin e një takse që paguhej nga pronarët e lokaleve për të siguruar mbrojte. Këto të dhëna i përkasin Mbretërisë së Napolit dhe datojnë më 1735. “La Camorra” aktualisht vepron në 111 vende (përfshirë këtu qytete dhe provinca). Struktura e saj është e ngjashme me atë të “Cosa Nostra”-s, ku çdo familje zotëron një zonë të caktuar. Fusha kryesore e veprimtarisë së saj është trafiku i drogës, falsifikimet, vënia e gjobave, trafiku i armëve, prostitucioni, rrëmbimet, etj. Shefat historikë të “Camorra”-s kanë qenë Karmine Alfieri dhe Rafaele Kutolo.

“NDRANGETA”
Kjo organizatë e ka selinë në Kalabri. Përbëhet nga 144 organizime me 5600 anëtarë. Ajo e realizon kontrollin e saj në territorin kalabrez falë lidhjeve mafioze të quajtura “Ndrine”. Ka një strukturë të dukshme horizontale, ekzistojnë lidhje të ngushta midis grupeve të ndryshme, por nuk ka një qendër drejtuese rajonale apo provinciale. “Ndrangeta” ka kryer dy vrasje të ashtuquajtura të mëdha, në gusht të vitit 1991 vrau prokurorin Skopeliti dhe më pas ish-presidentin e hekurudhave të Italisë, Ludoviko Ligato, si dhe cilësohet me karakter të dukshëm antishtet. Shefi historik i “Ndrageta”-s është konsideruar De Stefano.

“SACRA CORONA UNITA”
Nuk është e vetmja organizatë mafioze në Pulia të Italisë, por pa asnjë dyshim është më e rëndësishmja dhe më e madhja. Selinë qendrore e ka në Pulia. Fillimet e saj i ka në vitet ‘80 dhe sot është organizimi më i fuqishëm. Përbëhet nga 7 organizata dhe 47 familje dhe me rreth 1755 anëtarë, kryesisht në provincën e Brindizit, Leçes dhe Torontos. Është një organizim i ri në krahasim me organizimet e mëparshme të mafies, për sa i përket territorit dhe aferave, por aktualisht paraqitet dhe vepron me vendosmëri dhe egërsi të dukshme. E veçanta e kësaj mafieje është përdorimi i të miturve dhe lidhja e ngushtë me segmente shqiptarësh.

“STIDDA”
Organizata “Stidda” është themeluar në Sicili, por nuk ka asgjë të përbashkët me “Cosa Nostra”-n siciliane. Ngjason më shumë me “Sacra Corona Unita” me qendër në Pulia. Anëtarët e saj nuk janë vetëm italianë, por edhe shqiptarë, afrikanë dhe aziatikë. Madje janë të anëtarësuar edhe rusë. Merret kryesisht me trafik droge, shfrytëzim prostitucioni, trafik armësh dhe deri diku me pastrim parash. Anëtarët e kësaj organizate kanë kryer disa vrasje, të cilat nuk kanë pasur bujën e vrasjeve të organizuara nga “Cosa Nostra”, “Camorra” apo “Sacra Corona Unita”. Është një organizim mjaft i ri dhe i veçantë i mafies italiane, për të mos thënë organizimi më i ri.

“ORGANIZATSYA”
Kjo organizatë, e cila vepron edhe sot, i ka fillimet që në kohën e ish-Bashkimit Sovjetik dhe ndahet në 3 nivele: Grupe të vogla të përbëra nga 10 deri në 15 persona, të pavarur në mënyrë direkte nga krerët e mafies, brigadat e mëdha që përbëhen nga 200 deri në 300 persona, të cilët drejtojnë grupet e vogla dhe të ashtuquajturit “vjedhësit e ligjit”, që janë rreth 150 veta. Ata kanë pushtet ekonomik dhe politik. Duke qenë se shumica janë avokatë, mjekë, inxhinierë dhe politikanë, ata janë të aftë të realizojnë projekte dhe operacione financiare me shifra stratosferike. Mafia ruse merret më shumë me trafik droge dhe armësh.

“NEOMENKLATURNAJA”
Interpretimi i fenomeneve mafioze në Rusi do të duhej vendosur në një kontekst më të gjerë analizash mbi të ashtuquajturën “Nomenklaturnaja privatizacija” (kjo do të thotë privatizim në shërbim të nomenklaturës), falë së cilës, eksponentë të nomenklaturës së lartë dhe të mesme të Partisë Komuniste të Bashkimit Sovjetik kanë arritur, në pjesën më të madhe, që gjatë viteve të tatëpjetës dhe rrëzimit të regjimit komunist (1986-1992) të shndërrohen në kapitalistë dhe pronarë të rinj, nëpërmjet një veprimtarie bashkëpunimi për përvetësimin e burimeve financiare, shpesh në bashkëpunim me mafien e organizuar edhe jashtë Rusisë.

“YAKUTSA”
Çdo bandë mafioze në Japoni quhet “Yakutsa”, por drejtohet nga krerë të ndryshëm. Në traditën e saj spikasin rituale shumë të vjetra si shumë kohë para viteve ’90. Riti i Sakazukishiki-t, është ceremonia e pranimit të çdo anëtari të ri, i cili betohet për besnikëri dhe devotshmëri duke pirë sakë nga gota e kryetarit. Riti i Irezumi-t ose tatuazhi, i cili duke qenë se është i ndryshëm për çdo bandë, dëshmon përkatësinë e anëtarëve të bandave. Riti tjetër i organizatës mafioze japonezë “Yakutsa” është Yubitsume, e cila ka të bëjë me prerjen e gjymtyrëve të ndryshme të trupit. Në të tre këto ceremoni protagonistët janë oyabun, (kapo), kobun, (vartësit).

“COSA NOSTRA” amerikane
U themelua në fillim të shekullit të kaluar dhe u pasurua në dy dekadat e parë. Ajo lindi për dy arsye: Emigrimi në SHBA i një numri të madh italianësh midis të cilëve kishte dhe nga ata që ishin marrë me krime, dhe për shkak se shumë mafiozë nga Sicilia për t’i shpëtuar ligjit në Itali u detyruan të shkonin në SHBA. Një rol të madh në largimin e tyre e pati Mori, prefekti i Palermos gjatë periudhës fashiste, i cili i persekutoi për një kohë të gjatë. Janë 5 familje në Amerikë që mbanin kontakte të ngushta me krerët në Itali: Familja Bonano, Lukese, Kolombo, Xhenovese dhe Gambino, ku dy të fundit marrin pjesën me të madhe të fitimeve.

“SOLMCEVO”
Është një organizatë mafioze ruso-aziatike, e cila funksionon kryesisht në Hungari, Republikën Çeke, Gjermani, Austri, Belgjikë, Itali, SHBA, Kosta Rika, Izrael, por edhe në shumë vende të tjera të Azisë së Jugut. Është një organizatë që për nga ashpërsia konkurron me “Cosa Nostra”-n dhe “Camorra”-n. Merret kryesisht me trafik armësh, qeniesh njerëzore dhe droge. Kriminaliteti ruso-aziatik është tashmë i specializuar në trafikun e heroinës që vjen nga “Trekëndëshi i Artë” (Birmani-Laos-Kamboxhia) dhe nga “Gjysmëhëna e Artë” (Pakistan-Afganistan-Iran) dhe për shpërndarjen vijuese në vendet e ish-BS-së, Evropës dhe SHBA-së.

“XXI SECOLO”
Është një organizatë mafioze ruso-aziatiko-italiane dhe ka lidhje të forta me mafien gjermane, amerikane, izraelite dhe qipriote. Kjo organizatë vazhdon të shtrijë praninë e saj ende jashtë kufijve të Federatës Ruse, madje edhe jashtë kufijve të vetë CSI-së, në tregun e ligjshëm dhe të zi të rajoneve të ndryshme të botës, Evropë Qendrore dhe Lindore (ku dominon bota e krimit), Evropë Perëndimore, SHBA, Afrikë, Amerikë Qendrore dhe Jugore, Lindje e Afërt dhe e Largët. Kriminaliteti i kësaj organizate është tashmë në gjendje të konkurrojë ose të bashkëpunojë në barazi të plotë me organizatat kriminale ndërkombëtare më të fuqishme.

“CERNOJ”
Është organizata mafioze ruse më e frikshme e gjithë Evropës. Ajo funksionon në Britaninë e Madhe, Zvicër, Izrael, Montekarlo e deri në SHBA. Trafiku i fëmijëve është specialiteti i kësaj organizate, por jo më pak janë edhe vrasjet dhe ekzekutimet makabre. Kjo mafie ruse merret me shitjen dhe blerjen e foshnjave dhe shërbimi i fshehtë gjerman thotë se ka të dhëna se organet e fëmijëve lypsarë të vrarë nga mafia ruse janë dërguar me
dokumente të falsifikuara në klinikat e vendeve perëndimore për t’u përdorur për transplant organesh. Ky është specialiteti, por jo më pak i rëndësishëm është trafiku i armëve dhe drogës.

“TRIAD”
Në shqip do të thotë treshe, është organizata më e fuqishme mafioze për trafikun e drogës. “Triad”-a kineze është marrë si shembull konkurrimi për mafien ruso-aziatike. Anëtarët e kësaj organizate kanë instaluar baza operative për trafikimin e heroinës në Hong Kong, Singapor dhe Bangkok. Fillesat e kësaj organizate mund të themi që janë më të lashtat në krahasim me të gjitha mafiet e tjera, ato datojnë që në vitin 1760. Por megjithëse kjo organizatë ka shekuj që është krijuar, veprimtaria e saj kriminale ka nisur në vitin 1911, kur është kryer edhe vrasja e parë nga anëtarët e saj. Është po aq e frikshme sa mafia perëndimore.

“CARTEL”
Është cilësuar si organizata më e fuqishme në trafikun e kokainës. Kjo organizatë mafioze është formuar në vitet 1970-1980 nga Madellin Cartell në Kololumbi. “Kartelet” kolumbiane janë rrjeti më i fuqishëm i transportit të kokainës jugamerikane, të destinuar për tregun evropian dhe atë të ish-Bashkimit Sovjetik, për të cilin SHBA shërben si pikë tranziti. Kohët e fundit është vënë re se me këtë organizatë të fuqishme mafioze ka lidhje edhe e ashtuquajtura mafie shqiptare. Por jo aq sa mafia ruso-aziatike. Ndërsa deri dje Kolumbia ishte prodhuesja numër një e substancave narkotike, tashmë po konkurrohet nga Rusia.

“IZMAJLOVO”
Në mafien ruse nuk mungojnë shembujt të lidhjes së ngushtë ndërmjet pushtetit politik dhe strukturave mafioze, të zbuluara nga hetimet ligjore. I tillë është rastin Aleksej Iljusenko, ish-Prokurorin e Përgjithshëm, i akuzuar se ka favorizuar shoqërinë e naftës “Balkan Trading”. Do të mund të përmendej edhe lidhjet ndërmjet ish-zv.kryeministri Oleg Soskovec dhe ish-ministri i Sportit Samil Tarpisev me grupin kriminal “Izmajlovo” dhe me vëllezërit Cernoj (me të cilët Aleksandr Lebev kishte lidhje), lidhjet e Aleksandr Korzakov, ish-shef i Shërbimit të Sigurimit Presidencial, tashmë të cituarin Fondacioni Kombëtar i Sportit.

“MAZUTKINO”
Është një organizatë ruso-aziatike që merret kryesisht me trafikun e armëve, drogës, gurëve të çmuar dhe qenieve njerëzore. Rrjeti i saj është i shtrirë në Poloni, Austri, Gjermani, Lihtenshtein, Zvicër, Montekarlo, Itali, SHBA, etj. Nga faktorët konkurrues dhe frenues të mafies ruso-aziatike, si një nga protagonistët kryesor në tregun e heroinës është ekspansioni galopant i kultivimit të bimës së hashashit në vendet ish-sovjetike të Azisë Qendrore (vlerësohet se në këtë zonë, kryesisht në Uzbekistan, Taxhikistan dhe Kirgistan ka tre milionë hektarë të mbjella me hashash, që kontrollohet nga organizatat mafioze lokale).

FAMILJA E “MAFIES SË ZEZË”, SHBA
U krijua nga Demetrius Flenory dhe vëllai i tij, Terry. Kjo bandë e filloi aktivitetin e saj kriminal duke shitur doza të vogla kokaine në rrugët e Detroitit gjatë viteve ’80 dhe përfundimisht u zhvillua brenda gjithë vendit dhe jashtë SHBA-së. Investigimi dyvjeçar i federalëve konkluduan se anëtarësimi i saj është gjithëpërfshirës. Banda ka marr goditjen e saj më të madhe në vitin 2005, ku gjatë një aksioni të DEA (strukturë policore amerikane) u arrestuan 30 persona që dyshohej të ishin pjesë e “Familjes së Mafias së Zezë”, si dhe një sasi prej 9.5 kilogramë heroinë, dhe 10 milionë dollarë.

“MAFIA E ZEZË”, FILADELFIA
Në vitet 1980 disa të rinj të afërm me njëri-tjetrin krijojnë grupin “Mafia e të rinjve zezakë”. Ajo kontrollonte gangsterët xhamajkanë, të cilët kishin kontrollin e trafikut të kokainës në Filadelfia të Shteteve të Bashkuara të Amerikës. Njësoj si më të vjetrit, ata ishin tmerrësisht të dhunshëm dhe të mësuar me frikësimin e dëshmitarëve dhe vrasjeve. Lideri i saj, Aaron Jones ka vdekur në Pensilvani. Pjesa tjetër që ngeli e “Mafias së zezë” shpesh bashkëpunonte me mafian italiane të Filadelfias. Kryesisht mafiat amerikane kanë qenë të dhunshme dhe fusha kryesore ku vepronin ishte pikërisht trafiku i drogës.

MAFIA TURKE
Është quajtur si një organizatë kriminale shumë e fuqishme. Mafia turke ka pasur në kontroll një pjesë të madhe të trafikut të heroinës në të gjithë botën. Mafia turke disa herë ka qenë bashkëpunëtore me mafian ruse, dhe pak me mafian italian. Ashtu si organizatat simotra edhe mafia turke operonte më tepër në trafikimin e lëndëve narkotike, por edhe të “mishit të bardhë”, siç njihet në gjuhën e mafias. Madje sipas disa raporteve, vetëm tetë vjet më parë në Stamboll operonin nga organizata e mafies turke 200 gangsterë. Kontrolli i mafias turke arrinte deri në lindjen e mesme, dhe disa herë edhe deri në vendet aziatike.

“MAFIA IRLANDEZE”
Banda irlandeze është një nga organizatat më të vjetra kriminale në Shtetet e Bashkuara të Amerikës, dhe ka ekzistuar që nga fillimi i shekullit të 19 deri në ditët e sotme. Origjina e saj ishte në lagjen amerikanë të irlandezëve, dhe më pas banda irlandeze u përhap në të gjitha qytetet kryesore të Amerikës, duke përfshirë Boston, Neë Yorl, Çikago, Neë Orleans, Filadelfia dhe Atlantik Siti. Gjithashtu aktiviteti i saj ishte shtrirë edhe në Kanada e quajtur si banda e vdekjes së Montrealtit. Ajo ishte bota e krimit. Historia e mafies irlandeze përfshin edhe qytetet e Irlandës, Anglisë dhe Skocisë.

[ISTOGASJA_CH]

Qytetet që së shpejti priten të bëhen kryeqendrat e reja botërore. Kryesojnë qytetet kineze

Para tridhjetë vitesh Shenzheni në Kinë nuk ishte më shumë se një port peshkatarësh. Para një dekade ishte kthyer në një qendër të vogël rajonale peshkimi. Sot, ky qytet pret në portin e tij më shumë konteinierë anijesh se Dubai, Nju Jorku dhe Tokio bashkë, sipas të dhënave nga Shoqatës Amerikane të Autoriteteve Portale. Në këtë qytet është vendosur dhe bursa e dytë më e madhe në vend. Rritja meteorike e Shenzhenit nga terri në njohje globale lidhet me rritjen e Kinës. Por gjithashtu ilustron faktin sesi globalizimi i kthen qytetet dytësore në qendra të fuqishme komerciale. Shenzhen renditet i dhjeti në një listë të qyteteve më të fuqishme të reja botërore. Ai vjen pas fqinjëve të tij si Shangai dhe Pekini, të cilët renditen në vend të parë dhe të dytë. Renditja është kryer nga “MasterCard Worldwide Emerging Markets Index”, i cili rendit tregjet botërore që po bëhen të fuqishme në bazë të tetë kritereve, siç është ambienti për biznes, rritja ekonomike, mjedisi ekonomik etj. Më pas, ekzaminimi vazhdon me lidhjet që ka qyteti me botën, siç është fluturimi komercial dhe trafiku detar; sa i arsimuar dhe si i ka instalimet elektronike qyteti; cilësia e jetës dhe siguria. Teksa kriza financiare botërore bën progres, qytetet më pak të ekspozuara ndaj basteve të këqija në tregun e kredive janë në pozicion më të favorshëm për t’u rritur më tej. Edhe pse pikët e Budapestit janë mjaft të larta në listë, nevoja e fundit e Hungarisë për një plan shpëtimi prej 6.5 miliardë dollarësh nga Banka Qendrore Evropiane, tregon për telashe. Më pak të ekspozuara ndaj krizës financiare deri tani janë qytetet kineze, të cilat dominojnë në listë. “Qytetet e vogla mund të jenë një platformë globale për zgjerimin global të kompanive”, shprehet Saskia Sassen, profesor në Komitetin e Universitetit të Kolumbias për Mendimin Global. “Shumë prej këtyre ekonomive të reja nuk janë financializuar si ato të vendeve të zhvilluara. Ne dikur mendonim se ky do të ishte pengesë, por mund të kthehet në avantazhin më të madh të këtyre qyteteve”, shprehet Sassen.

1. Shangai, Kinë
Pikët e përgjithshme: 66.01
Ambienti ekonomik dhe tregtar: 8.29
Rritja dhe zhvillimi ekonomik: 9.83
Ambienti për biznes: 10.04
Ambienti i shërbimeve financiare: 7.67
Marrëdhëniet tregtare: 9.57
Marrëdhëniet e arsimit dhe IT-së: 7.31
Cilësia e jetës: 7.39
Rreziku dhe siguria: 5.91

2. Pekin, Kinë
Pikët e përgjithshme: 62.35
Ambienti ekonomik dhe tregtar: 8.29
Rritja dhe zhvillimi ekonomik: 9.82
Ambienti për biznes: 10.04
Ambienti i shërbimeve financiare: 5.49
Marrëdhëniet tregtare: 8.49
Marrëdhëniet e arsimit dhe IT-së: 7.71
Cilësia e jetës: 6.76
Rreziku dhe siguria: 5.57

3. Budapest, Hungari
Pikët e përgjithshme: 58.82
Ambienti ekonomik dhe tregtar: 8.94
Rritja dhe zhvillimi ekonomik: 5.05
Ambienti për biznes: 11.02
Ambienti i shërbimeve financiare: 5.21
Marrëdhëniet tregtare: 5.41
Marrëdhëniet e arsimit dhe IT-së: 5.71
Cilësia e jetës: 8.37
Rreziku dhe siguria: 9.11

4. Kuala Lumpur, Malajzi
Pikët e përgjithshme: 58.63
Ambienti ekonomik dhe tregtar: 9.04
Rritja dhe zhvillimi ekonomik: 5.99
Ambienti për biznes: 11.87
Ambienti i shërbimeve financiare: 6.01
Marrëdhëniet tregtare: 6.05
Marrëdhëniet e arsimit dhe IT-së: 4.37
Cilësia e jetës: 7.38
Rreziku dhe siguria: 7.38

5. Santiago, Kili
Pikët e përgjithshme: 57.76
Ambienti ekonomik dhe tregtar: 10.34
Rritja dhe zhvillimi ekonomik: 6.04
Ambienti për biznes: 11.51
Ambienti i shërbimeve financiare: 4.91
Marrëdhëniet tregtare: 4.12
Marrëdhëniet e arsimit dhe IT-së: 5.05
Cilësia e jetës: 7.77
Rreziku dhe siguria: 8.02

6. Guangzhou, Kinë
Pikët e përgjithshme: 56.98
Ambienti ekonomik dhe tregtar: 8.92
Rritja dhe zhvillimi ekonomik: 9.8
Ambienti për biznes: 10.04
Ambienti i shërbimeve financiare: 3.7
Marrëdhëniet tregtare: 5.88
Marrëdhëniet e arsimit dhe IT-së: 6.63
Cilësia e jetës: 6.65
Rreziku dhe siguria: 5.98

7. Meksiko Siti, Meksikë
Pikët e përgjithshme: 56.85
Ambienti ekonomik dhe tregtar: 8.24
Rritja dhe zhvillimi ekonomik: 5.73
Ambienti për biznes: 11.01
Ambienti i shërbimeve financiare: 6.34
Marrëdhëniet tregtare: 6.57
Marrëdhëniet e arsimit dhe IT-së: 4.87
Cilësia e jetës: 7.87
Rreziku dhe siguria: 6.22

8. Varshavë, Poloni
Pikët e përgjithshme: 56.77
Ambienti ekonomik dhe tregtar: 8.4
Rritja dhe zhvillimi ekonomik: 4.56
Ambienti për biznes: 10.81
Ambienti i shërbimeve financiare: 5.12
Marrëdhëniet tregtare: 5.5
Marrëdhëniet e arsimit dhe IT-së: 5.43
Cilësia e jetës: 8.2
Rreziku dhe siguria: 8.76

9. Bangkok, Tailandë
Pikët e përgjithshme: 56.74
Ambienti ekonomik dhe tregtar: 8.58
Rritja dhe zhvillimi ekonomik: 4.95
Ambienti për biznes: 10.99
Ambienti i shërbimeve financiare: 6.11
Marrëdhëniet tregtare: 8.81
Marrëdhëniet e arsimit dhe IT-së: 4.26
Cilësia e jetës: 6.69
Rreziku dhe siguria: 6.09

10. Shenzhen, Kinë
Pikët e përgjithshme: 54.47
Ambienti ekonomik dhe tregtar: 8.29
Rritja dhe zhvillimi ekonomik: 9.81
Ambienti për biznes: 10.04
Ambienti i shërbimeve financiare: 4.31
Marrëdhëniet tregtare: 4.96
Marrëdhëniet e arsimit dhe IT-së: 5.59
Cilësia e jetës: 6.4
Rreziku dhe siguria: 5.71

[ISTOGASJA_CH]

I ndjeni se akrepat e orës që lëvizin dhe gjendjen depresive ju shtohet ndërsa i afroheni të 30-ve? Është koha të filloni ta shijoni jetën, ndërsa jeni ende të rinj dhe të shkujdesur. Ndër mundësitë e panumërta që keni përfshihen udhëtimet, publikimi i emrit tuaj në media, garat në maratona, ngrënia në një hotel me 7 yje dhe jeta në Londër, Francë dhe Kaliforni. Fantazia nuk njeh kufij. Bëni çfarë të doni, mjafton që të ndiheni të përmbushur dhe të mos i kujtoni me keqardhje vitet e rinisë. Të paktën do të keni mjaft histori t’ia tregoni nipërve dhe mbesave kur t’ju ulen në prehër dhe t’ju shohin plot admirim. Ndoshta lista është pak e ekzagjeruar, por ju bëni të pamundurën brenda mundësive që keni. Përgatiti: Aurora Foto

1. Udhëtoni
Sapo të zini një vend të mirë në karrierë do të keni gjithnjë e më pak kohë të udhëtoni dhe të argëtoheni. Pas universitetit, para se të nisni një punë të re, shfrytëzojeni rastin dhe udhëtoni. Nuk do të pendoheni.

2. Publikoni diçka
Qoftë në gazetën e shkollës apo të qytetit, gazetat kombëtare apo si fituesi i historisë më të bukur, nuk ka asgjë më të bukur se ta shohësh emrin me germa të zeza në të bardhë. Shkrimi nuk ka pse të jetë vepër arti.

3. Shikoni filma
Do të ishte mirë të shihnit filmat më të shitur gjatë viteve, në mënyrë që të mos mbeteni jashtë në ndonjë diskutim kinematografik gjatë mbrëmjeve me miqtë. Lista e tyre është e gjatë, por më mirë pak se asgjë.

4. Mësoni një gjuhë të dytë
Edhe pse gjuhët e huaja janë më se normale për një fshesaxhi në Bullgari, britanikët dhe amerikanët nuk janë aq të dhënë pas tyre. Në fakt, shumë prej tyre nuk flasin mirë as anglisht.

5. Vraponi në maratonë
50 km vrap janë ferri për shumë njerëz, por nëse filloni të praktikoheni pak në çdo ditë, shumë shpejtë do të jeni kampioni i lagjes. Duhet të jeni në formë të mirë trupore dhe shpirtërore para se të mbushni 30 vjeç.

6. Udhëtoni në autostradën e bregdetit paqësor
Kjo ide mund të jetë pak ekstravagante, por nuk mund të thoni se keni provuar gjithçka në jetë pa ndjerë erën kaliforniane në flokë dhe kripën e oqeanit paqësor në trup.

7. Martohuni
Statistikat thonë se 50 për qind e 30-vjeçarëve janë ende të pamartuar. Nuk ka pse t’ju vijë keq, por marrëdhëniet seksuale në shtratin martesor janë shumë më të mira se kënaqësitë e një beqari të dëshpëruar.

8. Provoni ushqime të ndryshme
Nuk e besoj se doni të ndryshoni prefiksin e moshës pa provuar karkalecat, kërmijtë dhe sepjen. Jo më kot këto ushqime mbivlerësohen nga restorantet më të mira në botë.

9. Siguroni të ardhmen
Kjo është më e lehtë në të thënë se në të bërë, por ajo që duket e bukur për momentin do të kalojë shpejt, dhe në fund do të mbeteni vetëm ju me pensionin tuaj. Shumë pak janë kaq guximtarë sa ta provojnë.

10. Testoni veten
Hedhja me parashutë, kërcimi nga ura me litarë elastikë… kurrë në 1 milionë vjet, mund të mendoni ju, por ka gjëra më pak të rrezikshme për të dalë nga zona e rehatisë dhe të përballeni me frikën.

11. Vizitoni Parisin
Thonë që është qyteti më romantik në botë. Kush e di? Do të ishte mirë të shkonit ta provonit personalisht. Asnjëherë nuk i dihet, mund t’ju pëlqejë kaq shumë sa të qëndroni atje.

12. Harxhoni 1 milionë në një natë
Mos t’ju bëhet zakon dhe kurrë mos shpenzoni më shumë nga sa mund të përballoni, por nëse keni mundësitë do të ishte mirë t’ia bënit qefin vetes duke blerë në një natë ato që keni dëshiruar gjithmonë.

13. Hapni një llogari bankare
S’është këshilla më e mirë që mund të merrni, e dimë, por hapja e një llogarie bankare ku të vendosni tepricat e rrogës çdo muaj është mënyra më e mirë për të kaluar pushimet aty ku dëshironi.

14. Bëni diçka për bamirësi
Qoftë të vraponi në një maratonë, të merrni pjesë në një ngjarje të drejtpërdrejtë ku mblidhen para për viktimat e tragjedive, apo çfarë të doni ju, mos festoni 30-vjetorin pa e bërë bamirësi më parë.

15. Hani në restorant me 7 yje
Britania nuk është më vendi i vetëm në Evropë në të cilin flitet për restorante të cilësisë së lartë, prandaj nuk ka justifikime kur mendoni për picerinë pranë shtëpisë në vend që të darkoni në restorantin më të mirë.

16. Jepni dorëheqjen
Jeni të lodhur me profesionin e momentit dhe ëndrra juaj është diçka tjetër? Zgjidhja është ndryshimi, edhe pse jo gjithmonë kaq i lehtë. Nëse jeni të sigurt për atë që doni të bëni, mos hezitoni.

17. Shkoni në një ndeshje sportive
Pse të prisni derisa lojërat Olimpike të organizohen në vendin ku jetoni? Nëse ju pëlqen sporti, shkoni në ndonjë ndeshje futbolli në Uimbëlldon ose të ndiqni nga stadiumi Kupën e Botës. Çfarë po prisni?

18. Kaloni një fundjavë në Nju Jork
Qoftë me miqtë, familjen apo me të dashurin e zemrës, nuk ka eksperiencë më të bukur se ta shihni botën të rrotullohet nga Big Apple dhe të ndjeni se jeni në çdo filmi që keni parë.

19. Lexoni libra
Do t’ju duhet një jetë e tërë të lexoni të gjithë librat më të shitur në botë, por mundohuni të shfletoni sa më shumë të keni mundësi. Mos harroni edhe ndonjë gazetë të përditshme.

20. Blini makinë kabriole
Para se të martoheni dhe të blini një motor të ngadaltë me ndenjësen e fëmijëve brenda, investoni në diçka që do t’ju bëjë të shijoni lirinë tani që e keni, e cila nuk zgjat shumë.

21. Blini diçka të kushtueshme
Kur ka qenë hera e fundit që e keni trajtuar veten ashtu siç e meritoni? Për sa kohë që nuk e llastoni veten, çmenduni për një natë dhe shpenzoni të paktën rrogën e një mujori në diçka të veçantë.

22. Regjistrohuni në “Facebook”
Është rrjeti shoqëror në internet që po përhapet si zjarri dhe ekziston mundësia që të jeni tashmë anëtar. Nëse nuk jeni, “Facebook” dhe adresa të tjera janë mënyra më e mirë për t’u njohur me njerëz.

23. Regjistroni historinë familjare
Prindërit, veçanërisht gjyshërit tuaj janë lidhja e përkryer me të kaluarën, prandaj gjeni çfarë të mundni për ta dhe shkruajeni. Do të vi një çast në jetë kur duhet ta dini me siguri se nga vini.

24. Këndoni live
Këndimi është i përsosur për të çliruar tensionin, pavarësisht se çfarë zëri keni. Këndoni në karaoke për të rritur besimin, për sa kohë që të mos prisni duartrokitje dhe urime të sinqerta.

25. Bëni një kontroll shëndetësor
Sëmundjet nuk vinë vetëm në pleqëri dhe investimi në një trup të shëndetshëm do t’ju kursejë mjaft shpenzime në të ardhmen. Sëmundjet e parandaluara janë më mirë se të kuruara.

[ISTOGASJA_CH]

1.Frigoriferi- Për të eliminuar erërat fusni një gotë të vogël më uthull në brendësi të tij.

2. Ushqimet e skuqura- Për të eliminuar erërat që lënë këto lloj gatimesh në fillim të çdo tigani me vaj fusni pak lëng limoni, një fetë mollë dhe një fletë selinoje.

3. Plehrat- Erërat e këqija nga koshi i plehrave mund të zhduken nëse në fund të tij hidhni tre lugë sodë.

4. Ndryshoni ajrin- Qarkullimi i shpejtë i ajrit, pastron ambientin dhe largon erërat e pakëndshme. Me anë të një ventilatori dhe me dritaren hapur, do të shihni se sa kollaj erërat do të zhduken.

5. Parfum- Para se të ndizni dritën, kujdesuni që mbi llambë të hidhni pak nga parfumi juaj i preferuar.

6. Era e bojës- Keni lyer shtëpinë së fundmi, po era ju bezdis? atëherë vendosni në dhomë pjata të mbushura me ujë që do të thithë erën e pakëndshme.

7. Moblje të reja- Nëse sapo keni blerë mobile po erërat e tyre nuk ju pëlqejnë, atëherë në ujin që lani shtëpinë hidhni pak uthull.

8. Mobilje të vjetra- Nëse keni mobile të tilla që ju bezdisin me erën e tyre, atëherë zieni pak qumësht dhe leni të ftohet në brendësi të saj.

9-Lagështirë- Në raft ka erë lagështire? Vendosni në brendësi të tij, një tas me karafil të grirë.

10. Dollapi i këpucëve- Te kjo zonë shumë kollaj mund të eliminoni erërat nëse fusni copa të vogla druri të lyera me vaj qitroje

[ISTOGASJA_CH]

Dashuria është çmenduri momentale. Ajo errupton si tërmet dhe pastaj kalon. Dhe kur kalon, atëherë duhet të sjellish vendim. Duhet të vendosish se rrënjët tuaja a janë bashkuar aq shumë sa që nuk mund ta paramendosh ndarjen. Sepse kjo është dashuri. Dashuria nuk është të të merret fryma për një moment, sepse ajo nuk është shqetësim, por është përmnushje e premtimeve në afat të gjatë kohor.
JA DISA MENYRA SI TA BENI TE NDIHET MIRE:

http://img248.imageshack.us/img248/3534/1e4644426.jpg

Bëje të ndjehet e sigurt me veprimet e tua.
Mësoje se si të të dashuroj.
Zbuloji pikat e tua të forta dhe të dobëta.
Mëso ndonjë mënyrë autentike për ta tejkaluar situatën pas ndonjë zënke.
Kënaqu në një haje mesnate sëbashku.
Asnjëherë mos shko nervoz në shtrat.
Thuaje atë që e mendon dhe mendoje atë që e thua.
Pranoje kur je gabim dhe diskusoji veprimet për ta bërë më mirë.
Diskuto për ëndërrat jetëgjata.
Bëhu i ngadalshëm në gjykime dhe i shpejtë në falje.
Tregoja asaj durimin tënd.
Zgjidhi betejat tua.
Flirto me të për t'i treguar se është e mrekullueshme

Dashuroje tepër, por qëndro burrë.
Bëhu i sinqertë me të dhe veten.
Dashuroje për atë që është.
Jepi përqafime kur ajo gatuan.
Befasoje me minipushim.
Inkurajoje të del me shoqet.
Madhëroje në publik.
Ecni dhe kënaquni në shoqërinë e njëri-tjetrit.
Demonstro dashuri ndaj vetes.
Mos u rehatos me dashuri mesatare, jepja asaj më të mirën nga ti.

[ISTOGASJA_CH]

Mendo për të tjerët
Mendoje si mund t’i bësh të tjerët të lumtur dhe t’i inkurajosh t’i bëjnë gjërat e vërteta. Harxho kohë për t’i vlerësuar kualitetet e tyre dhe ta risish vetëbesimin e tyre.

Mos e tepro me motivet vetjake
Mos kërko të fitosh ne krah të të tjerëve. Mos fol keq për të tjerët për t’i impresuar njerëzit rreth teje.

Asnjëher mos u bën xheloz për suksesin apo lumturinë e tjetërkujt
Msëo të jesh i lumtur nëpër mirëqenien e të tjerëve. Nëse të tjerët bëjnë një gjë të mirë, ndjeje se ajo është pjesësisht edhe arritje e jotja.

Qeshu
Mundohu të qeshish kur i takon të tjerët.

Bëhu entuziast në atë që e bën
Pa marrë parasysh se çka punon mundohu të jesh entuziast dhe pozitiv në atë që e bën. Edhe gjërat më të vogla, që bëhen me entuziazëm dhe dashuri mund ta bëjnë diferencën.

Mos i impono bidnjet e tuaja te të tjerët
Gjithashtu dëgjoji me kujdes të tjerët, por në të njëjtën kohë mos u mendo shumë për atë që mendojnë të tjerët se duhet ta bësh.

Qetësi e brendshme
Harxho kohë për ta gjetur qetësinë e brenshme dhe kënaqësinë tënde të brendshme, që janë pjesë e natyrës tënde reale, por shpesh të fshehura ndër hijet e imagjinatës mentale.

Dëgjoji këshillat e zemrës
Bëhu skeptik në gjykimet e ftohta të mendjes

Më mirë të bësh gabime, se sa të qëndrosh pasiv.
Mos u anko, bëje diferencën

[ISTOGASJA_CH]

Femra eshte si rruga ne te cilen ecen,mos u shqeteso asnjehere per ate qe ka kaluar para teje dhe per ate qe do te te ndjeke pas.
Po desh t'i kuptosh meshkujt, studio femrat.

Te mirat te qenit femer!

Inteligjenca jone eshte e krahasueshme me ate te burrave. Por pamja jone
eshte me e mire.
Truri yne ka te njejtin kapacitet me trurin e burrave, megjithese kemi 6
miliard nervure me pak. Kjo do te thote se jemi me eficente.
Ne jemi ne gjendje te bejme disa gjera njekohesisht

Ne jemi ato qe vendosim sa femije te bejme.
Ne i ndiejme femijet te na levizin Brenda nesh.

Ne quhemi "ylli" i dasmes.

Jetojme me shume

Kur mbytet anija ne kemi perparesi te hipim te parat ne varkat e shpetimit. :P

Jemi me te ndjeshme

Kemi Festen tone Nderkombetare.

Jemi vertete te mrekullueshme! :D

[ISTOGASJA_CH]

Ma morre fytyrën! - You took my face!

Luj shoto luj ditën ta paguj! - Play duck play i will pay your day!

Hip se të vrava, zbrit se të vrava! - Climb or i l will kill you, come down or i l will kill you!

Battery full! - Bateria budallaqe!

na shkoi truni skic - our mind went askew

m'raft pika - may the point fall on me

lam nam - we let the fame

c'i zbardh dhembet? - why are you whitening the teeth?

trimi i mirë me shokë shumë - the brave good guy with many friends

te paska hije - it has shadow on you

i beri parate rrush e kumbulla -he made his money grape and plums

Mos me merr ne qafe -Don't take me on the neck

ia marrim nje kenge - we should take it a song

vajzat buzeqeshin - the girls are lipslaughing

i ra kryq e terthor - he fell it cross and around

i ra nga kina - he fell it from china

e njoh nga koha e menzave - I know him since cafeteria time

[beni-1]

sa mund te jete e vertete
http://www.youtube.com/watch?v=CB2qZ-8y7NM


ndersa kjo besoj se eshte e vertete

http://www.youtube.com/watch?v=ORUN58w_wQc&NR=1

[Grasha_1]

sa mund te jete e vertete
http://www.youtube.com/watch?v=CB2qZ-8y7NM


ndersa kjo besoj se eshte e vertete

http://www.youtube.com/watch?v=ORUN58w_wQc&NR=1

He more beni-1
Edhe ti po merresh me kto rrena a?

[ISTOGASJA_CH]

Ushtria turke ka koleksionin më të pasur me pornografi meshkujsh homoseksualë. Arsyeja: homoseksualët nuk pranohen në ushtri, kur vërtetojnë orientimin seksual. Por ushtria bindet, kur ata tregojnë videon…

Ushtria turke e monitoron në mënyrë strikte zbatimin e rekrutimit të përgjithshëm. Çdo turk duhet të shërbejë në ushtri për një periudhë midis 6 dhe 18 muajsh, përjashtim nuk bëhet për askënd. Në kazerma shkojnë për kontroll para mobilizimit që prej aktorëve popullorë të filmave dhe baballarëve të familjeve të mëdha, edhe njerëz me të meta. Me përjashtim: të homoseksualëve. Ushtria turke thotë se homoseksualiteti është një sëmundje serioze mendore.

Çfarë sjellin përpjekjet për anëtarësim në BE?

Homoseksualët detyrohen me të gjitha mënyrat që t’i bindin doktorët e ushtrisë se nuk janë “simulantë”, të cilët thjesht duan t’i bëjnë bisht ushtrisë. Sipas revistës gjermane “Der Spiegel”, situata është tejet absurde. Sepse ky qëndrim ndaj homoseksualëve është krejtësisht i papranueshëm në shekullin e 21-të, dhe kjo në një vend që kërkon të anëtarësohet në BE.

Qeveria myslimane-konservatore e kryeministrit Erdogan mund të përballet nga ky shkak me një kërkesë të pakëndshme në këtë drejtim prej Brukselit. Kjo pasi madje edhe ministrja turke e Familjes, Selma Aline Cavafy, e mbrojti pozicionin e ushtarakëve, se homoseksualiteti është një sëmundje mendore. Dhe me këtë ajo nuk është larg opinionit të shumë turqve.

Me pudër dhe fund

Gazetari i revistës “Der Spiegel”, Maximilian Pop tregon në faqet e kësaj reviste historinë e habitshme të një homoseksuali turk. Kur e thirrën për në ushtri, Adnani vrau mendjen si të vepronte. Po ta fshihte orientimin e tij seksual, ekzistonte rreziku që ta zbulonin, të dënonin e terrorizonin, edhe ta përdhunonin. Po ta pranonte që ishte homoseksual do të ishte shumë e vështirë të gjente ndonjëherë punë, me shënimin në librezën ushtarake “devijime seksuale”.

Adnani më në fund ia pranoi komisionit se ishte homoseksual, por që prej këtij momenti nisën vuajtjet e tij. Fillimisht e dërguan dy javë në psikiatrinë ushtarake, ku u detyrua t’u ekspozohej kontrolleve mjekësore poshtëruese. Pastaj ai u detyrua të sillte fotografi për të provuar orientimin e tij seksual. Për këtë ai u detyrua të fotografohej me partnerin e tij gjatë aktit seksual dhe t’ia ofronte materialin konfirmues komisionit. Hapi i fundit ishte dalja sërish para komisionit, i shoqëruar këtë herë nga avokatja. Ai veproi siç e kishte mësuar avokatja: rrojti mjekrën, gjoksin dhe këmbët. Ai vuri buzëkuq, pudër në faqe dhe veshi fund – për t’u pritur me një buzëqeshje tallëse nga komisioni…

Absurditete turke

Ushtria turke e kundërshton faktin se kërkon videofilma ose fotografi nga rekrutët që thonë se janë homoseksualë. Por një sondazh i organizatës së homoseksualëve me qendër në Stamboll, Lambda, konfirmon se rreth një e treta e të pyeturve tregoi që gjatë kontrollit mjekësor u kishin kërkuar me detyrim elementë të tillë personalë. Në Ankara thuhet se meshkuj homoseksualë, që punojnë si prostituta ofrojnë shërbimet e tyre për meshkuj që duan t’i bëjnë bisht shërbimit ushtarak. Si rezultat i të gjithë kësaj, ushtria turke ndërkohë posedon koleksionin më të pasur të filmave pornografikë me meshkuj homoseksualë në të gjithë vendin – thotë jo pa ironi një avokate.

Marrë nga www.shqipmedia.com

[ISTOGASJA_CH]

Një libër zbulon origjinën e shkurtimit që nisi të përdorej në SHBA më mesin e shekullit të 19. Mes miteve dhe legjendave, ja se në ç’mënyrë ato dy shkronja kanë pushtuar botën

Sa herë në ditë e përdor secili prej jush fjalën Ok? Me siguri që nuk mund të numërohet. Nuk ka fjalë në botë me të cilën abuzohet kaq shumë. Eh, Ok… edhe dyqind faqe për të treguar historinë e dy shkronjave mund të duken shumë. Por ajo rrokje që ka bërë xhiron e botës, nuk është ndoshta shpikja më e madhe amerikane? Allan Metcalf, sekretar i “American Dialect Societ” nuk ka ngurruar të numërojë sa herë shfaqet ajo në internet. Por në fund arriti në përfundimin se është njëlloj si të gjesh gjilpërën në kashtë: përdorimi i fjalës Ok është universal. Dhe të mendosh se lindi si shaka, ndërsa ajo që e shkëputi nga harresa ishte një fushatë elektorale. Një histori që profesori amerikan e ka ndërtuar me të gjitha detajet e mundshme në librin “Ok: The Improbable Story of America’s Greatest Word”, që pritet të dalë në libraritë amerikane në datën 9 nëntor. Në fakt, shumë pak nga ne e dinë se babai i kësaj fjale është Charles Gordon Greene, që sigurisht atëherë nuk e mendonte se do të kishte pasur kaq fat, përndryshe do e kishte shkurtuar më parë. Botuesi i “Boston Morning Post” krijonte vazhdimisht akronime për lexuesit e tij: një gjuhë për besnikët, shumë e ngjashme me atë që përdoret sot në internet. Zoti Greene shkruante në artikujt e tij fjalë të shkurtuara si “NG” (no go), “GC”, (gin cocktail) madje edhe “raotflmmfaoiaatkflmm”, “rolling around on the floor laughing my motherf ing ass off in an attempt to keep from losing my mind”: një mënyrë e çuditshme për të thënë se nuk i pëlqente shakatë. Gjithçka ishte në rregull deri në 23 marsin e vitit 1839, kur në një debat me rivalen “Providence Journal” i shpëtoi fjala “o. k.” Që sipas asaj që ai pati specifikuar do të thoshte “all correct”. Po përse me O dhe me K? Shkurtimi, shton Metcalf, nisi të përdorej me mënyrën se si shqiptohej. Por sipas asaj që shkruhet në libër, për përhapjen e kësaj fjale ka ndikuar shumë edhe një President. Sipas legjendës, shpikësi i fjalës Ok mendohet se ka qenë populisti dhe masakruesi i indianëve Andrew Jackson: që kundërshtarët e tij e akuzonin se ishte një analfabet. Ai e përdori i pari këtë fjalë në versionin okeh d.m.th në rregull. Por Presidenti që i dha popullaritet kësaj fjale ishte Martin van Buren më 1840-n në kërkim të mandatit të dytë. Ai vinte nga Kinderhook, një vend i vogël në Nju Jork. Mbështetësit e tij e quanin OK, Old Kinderhook, që në domethënien e saj kishte edhe kuptimin se ai ishte njeriu i duhur. Ajo ishte një fushatë elektorale spektakolare. Kjo rrokje u shfaq në çdo tabelë dhe pagëzoi edhe shumë klube të reja që u krijuan. Për disa mendohet se është e kundërta e fjalës kicked over (KO). Që atëherë kjo fjalë u bë më e përdorura, në fillim mes telegrafistëve pastaj mes telefonistëve. Për më tepër që kinemaja dha kontributin e saj duke bërë që kjo të ishte fjala e parë e thënë në Hënë. Interneti dhe mesazhet e shkruara në celular i dhanë pastaj shtysën finale. Në çdo vend të botës tani, përfshi këtu edhe Kinën dhe Japoninë, fjala Ok shkruhet në çdo mesazh, e-mail apo faqe interneti. Kudo që ndodhen dhe pavarësisht nga janë njerëzit e kësaj bote të globalizuar arrijnë të merren vesh mirë nëse shkruhet Ok. Shumë mendojnë se është edhe një term ushtarak i përdorur për herë të parë në Amerikë. Kur trupat ktheheshin nga beteja tregonin për numrin e të vrarëve. Një ditë u rastisi të shkruanin 0 Kill (OK) (d.m.th. zero të vrarë, asnjë i vrarë).
Më e përdorshmja

Të gjithë sot kur flasim në telefon, shkruajmë një e-mail, një sms apo një tekst në “Facebook”, e kemi më të lehtë të përdorim fjalën Ok, në vend të në rregull apo dakord. E ky fenomen është i globalizuar ashtu si bota ku jetojmë. Pavarësisht se origjina e fjalës është amerikane, përjashtim nuk bëjnë as kinezët, japonezët, iranianët dhe pakistanezët. Sipas disa llogaritjeve të thjeshta, secili prej nesh, në mënyrë të ndërgjegjshme apo të pandërgjegjshme, e përdorim këtë fjalë më shumë se 50 herë në ditë. Mes të pyeturve, përgjigjet janë thuajse njëlloj: përdoret se është më komode. Është fjalë e shkurtër, e bukur dhe shumë eficente. Përmes saj kuptohen të gjithë. Është fjala që ka bërë bashkë botën, mendojnë studiues të tjerë.

[ISTOGASJA_CH]

Winston Churchill nuk ishte vetëm një politikan i madh, por dhe një orator i shkëlqyer. Edhe pse tani ai nuk jeton më, trashëgimia e tij jeton me shumë prej citateve më argëtuese dhe të mprehta që ka lënë pas. Këto janë 50 prej tyre.

1. Ne jetojmë nga ajo që marrim, por e bëjmë jetën nga ajo që japin.
2. Taksat e mira nuk ekzistojnë.
3. Disa e shohin sipërmarrjet private si shënjestra grabitqare që duhet goditur, të tjetër e shohin si një lopë që duhet mjelë, por pak janë ata që e shohin si një kalë i fuqishëm që tërheq karron.
4. Vesi i pandarë i kapitalizmi është ndarja e pabarabartë e bekimeve; virtyti i pandashëm i socializmi është ndarja e barabartë e varfërisë.
5. Një komb që i vë taksë vetes për prosperitetin është si një njeri brenda në kovë, që përpiqet ta ngrejë veten nga doreza.
6. Një paqësor është dikush që ushqen një krokodil, me shpresën se do të jetë i fundit që do të hahet.
7. Problemet e fitores janë më të pëlqyeshme se problemet e mundjes, por nuk janë më të lehta.
8. Që tani e tutje, nuk do ta përfundoj kurrë fjalinë me një parafjalë.
9. Një fanatik është dikush që s’mund ta ndryshojë mendjen dhe nuk do të ndërrojë as temë.
10. Nancy Astor: “Zotëri, sikur ju të ishit bashkëshorti im, unë do t’ju jepja helm”. Churchill: “Sikur të isha bashkëshorti juaj do ta pija”.
11. Gënjeshtra ka bërë gjysmën e rrugës rreth e qark botës, kur e vërteta sapo është nisur.
12. Ndonjëherë ju do të pengoheni tek e vërteta, por pjesa më e madhe prej nesh ngrihen dhe vazhdojnë përpara sikur s’ka ndodhur asgjë.
13. Nëse jeni nisur drejt ferrit, vazhdoni.
14. Është diçka e mirë për një njeri të paarsimuar të lexojë libra me citime. Citimet, kur gdhenden në kujtesë, të japin mendime të mira. Ato gjithashtu të nxisin të lexosh autorët dhe të kërkosh të tjera.
15. Keni armiq? Mirë. Kjo do të thotë se keni luftuar për dika, në një fazë të jetës suaj.
16. Nëse keni dhjetë mijë rregulla, ju shkatërroni gjithë respektin për ligjin.
17. Gjithmonë mund t’i besoni amerikanëve për të bërë gjënë e duhur, pasi të kenë provuar gjithçka tjetër.
18. Historia do të jetë e sjellshme me mua, pasi kam ndër mend ta shkruaj.
19. Sa më larg të shikoni prapa, aq më larg përpara ka gjasa që të shihni.
20. Jam gati të takoj Krijuesin tim. A është i përgatitur Krijuesi im për provën e rëndë të takimit me mua, kjo është një çështje tjetër.
21. E vërteta është e padiskutueshme, e keqja mund ta sulmojë atë, injoranca mund ta përqeshë atë, por në fund, ja ku ëshët.
22. Një pesimist e shikon vështirësinë në çdo mundësi; një optimist e shikon mundësinë në çdo vështirësi.
23. Të përmirësosh do të thotë të ndryshosh; të jesh i përsosur do të thotë të ndryshosh shpesh.
24. Politika është aftësia për të parashikuar atë që do të ndodhë nesër, javën tjetër, muajin tjetër dhe vitin tjetër. Dhe të kesh aftësinë që më pas të shpjegosh pse nuk ndodhi.
25. Socializmi është filozofia e dështimit, kredo e injorancës dhe ungjilli i zilisë.
26. Një shaka është diçka shumë serioze.
27. Një i burgosur lufte është dikush që përpiqet t’ju vrasë dhe dështon, dhe më pas ju kërkon juve që mos ta vrisni.
28. Të gjitha gjërat e mëdha janë të thjeshta dhe shumë mund të shprehen me një fjalë të vetme: liri, drejtësi, nder, detyrë, mëshirë dhe shpresë.
29. Edhe pse personalisht jam shumë i kënaqur me eksplozivët e momentin, e ndjej se s’duhet të qëndrojmë në rrugën e përmirësimit.
30. Edhe pse i përgatitur për mundimet, preferoj që të shtyhen.
31. Qëndrimi është diçka e vogël, por që bën një ndryshim të madh.
32. Baldwin mendonte se Evropa ishte e mërzitshme, dhe Chamberlain mendonte se ishte vetëm më i madh se Birmingami.
33. Betejat fitohen nga kërdia dhe manovrat. Sa më i madh gjenerali, aq më shumë do të kontribuojë në manovrat, aq më pak do të kërkojë për kërdi.
34. Para Alamein-it nuk kemi pasur kurrë një fitore. Pas Alamein-it kurrë nuk kemi patur humbje.
35. Fjalët e shkurta janë më të mirat, dhe fjalët e vjetra janë edhe më të mira.
36. Përpjekjet e vazhdueshme, jo forca apo inteligjenca, janë sekreti i çlirimit të potencialit tonë.
37. Kuraja vlerësohet me të drejtë cilësia e parë e njeriut, sepse është cilësia që i garanton gjithë të tjerat.
38. Kuraja është ajo që duhet për t’u ngritur dhe për të folur; kuraja është gjithashtu ajo që duhet për t’u ulur dhe për të dëgjuar.
39. Kritika mund të mos jetë e pëlqyeshme, por është e nevojshme. Ajo përmbush të njëjtin funksion si dhimbja në trupin njerëzor. Kërkon vëmendje që gjendja e gjërave të jetë e shëndetshme.
40. Vështirësitë e nënshtruara janë mundësi të fituara.
41. Mos lejoni që planet e mëdha për një botë të re të shmangin energjitë tuaja nga ruajtja e asaj që ka mbetur nga bota e vjetër.
42. Ngrënia e fjalëve kurrë nuk më ka shkaktuar mostretje.
43. Gjithkush ka një ditë të keqe dhe disa ditë janë më të gjata se të tjerat.
44. Për të mirë e për të keq, zotërimi i ajrit është sot shprehja supreme e fuqisë ushtarake dhe flotat dhe ushtritë, edhe pse vitale dhe të rëndësishme, përsëri duhet të pranojë se kanë rang vartësi.
45. Për rolin tim, them se do të jetë më mirë sikur të gjitha partitë t’ia lënë të kaluarën historisë, veçanërisht tani që propozoj ta shkruaj historinë vetë.
46. Që nga Stettin në Balltik, tek Trieste në Adriatik, një perde hekuri ka zbritur përmes Kontinentit.
47. I madhi dhe i miri rrallë janë i njëjti njeri.
48. Ai ka të gjitha virtytet që i urrej dhe asnjë prej veseve që admiroj.
49. Qytetarët e shëndetshëm janë e mira më e madhe që një vend mund të ketë.
50. Historia shkruhet nga fitimtarët.

[ISTOGASJA_CH]

Takimet dashurore në internet mund të duken joshëse, por nëse do të nisësh eksperimentimin mund të dështosh keq dhe të të ulet ndjeshëm edhe besimi dhe vlerësimi për veten

Dikur dhe tradicionalisht na është përcjellë si mesazh nga më të moçmit dhe më të diturit se në dashuri dhe për dashurinë nuk mund dhe nuk duhet që të nxitohesh. Në vitet ’70 kishte shumë këngë dhe këngëtarë të grupeve të ndryshme që përcollën përmes muzikës së tyre mesazhin se: Për dashurinë e vërtetë të duhet që të presësh”. Thelbi është se dashuria nuk vjen lehtësisht, edhe pse ndonjëherë vjen atëherë kur nuk e pret. Pikërisht këto fjalë të mençura gjejnë zbatim edhe sot dhe veçanërisht nëse qëllon që të jeni nga ata që nuk lodhen së kërkuari shpirtin binjak në internet nëpër sajtet e pafund që ofrojnë partnerë dhe partnere.

Po t’i keni vënë re reklamat e sajteve të tilla shfaqin gjithmonë çifte të bukura e të reja shumë të kënaqur dhe me buzët vesh më vesh që tregojnë se sa të efektshme kanë qenë klikimet e vazhdueshme në faqet e takimeve. Shpesh fotot kanë edhe fëmijë që do të thotë se çiftet edhe janë martuar dhe trashëguar me fëmijë po aq të bukur dhe të lumtur sa vetë prindërit. Disa nga këto sajte preferojnë që t’u mëshojnë shifrave të personave të çiftëzuar dhe të martuar prej tyre. Kështu eHarmony, një shërbim interneti për gjetjen e shpirtit binjak sipas shifrave të publikuara prej tij bën të ditur se çdo ditë martohen prej lidhjeve me anë të internetit 236 çifte. Bëhet fjalë për të dhëna të vitit 2008.

Një tjetër sajt mblesërish Mathch.com ka bërë një sondazh një vit më parë dhe sipas tij doli se 58500 persona kanë gjetur një partner të qëndrueshëm nga sajti gjatë një periudhe 12-mujore dhe madje ka shumë sajte që ofrojnë një periudhë maksimale prej 6 muajsh për çiftëzimin e atyre që kërkojnë partner. Sigurisht që pjesa më e madhe, në mos të gjitha këto sajte janë me pagesë dhe një biznes shumë fitimprurës për ata që i krijojnë dhe i menaxhojnë. Ndërkohë, abonime falas në sajte të tilla ofrohen edhe nga gazeta të ndryshme si shpërblime për blerjen e gazetës, apo të revistës përkatëse. Përse ka kaq interesante vallë për këto sajte? Pyetja ka një përgjigje shumë të thjeshtë që ne të gjithë e dimë: sepse ne të gjithë duam që të na duan dhe të dashurojmë.

Por ndërsa rastet e lidhjeve të suksesshme dhe afatgjata trumpetohen me të madhe nga agjencitë dhe madje edhe nga media të caktuara, shumë më të rralla janë për shembull lajmet për ata që nuk kanë mundur, edhe pas kërkimesh të shumta, që të gjejnë një partner online. Në këtë rast bëhet fjalë për një ushtri shumë të madhe njerëzish të zhgënjyer që pasi kanë kërkuar dhe klikuar vazhdimisht dhe kanë kontaktuar me shumë subjekte të mundshme e kanë ndalur kërkimin të zhgënjyer nga mundësitë “e pamundura” të këtyre sajteve. Kështu, nëse do të flasim në gjuhën e shifrave 58 500 fatlumët që kanë dalë të çiftëzuar nga sajti Match.com krahasuar me 286 000 të pafatët e zhgënjyer dhe të dashuruar, përbëjnë një shifër tepër të vogël. E pavarësisht kësaj shifre ideja, ose më mirë nami i suksesit të këtyre sajteve është shumë i madh dhe njerëzit vazhdojnë që të besojnë se ata bëjnë mrekulli me jetët e tyre, mjafton që të kesh durim dhe këmbëngulje dhe të mos heqësh dorë shpesh. Në fund të fundit a nuk thotë këtë edhe tradita? Por ajo çka nuk dihet, ose më mirë ajo për të cilën nuk flitet është dëmi që i bëhet stimës që ka njeriu për veten, dhe dëshirës e shpresës për të gjetur partnerin e duhur nga këto sajte. Kjo sepse ata kanë kërkuar edhe në “rezervën” e fundit dhe kanë hequr dorë me dështim dhe ndoshta u është bërë një dëm i pariparueshëm. Njerëzit gjithnjë e më tepër po e kuptojnë se cila është mënyra ndonjëherë e mirë, por shpesh shkatërruese me të cilën luajnë sajtet e njohjeve online. Thelbi i gjithçkaje janë emocionet, të cilat janë të vetmet që fitojnë ose humbin, por në rastin e humbjes çmimi për t’u paguar është i madh. Njerëzit që shkojnë në sajte të tilla janë njerëz të zakonshëm që shpesh nuk është se nuk kanë sukses në gjetjen e partnerëve, por nuk kanë kohë. Janë njerëz që nuk kanë probleme të mëdha në të shkuarën dhe të tashmen e tyre dhe që mendojnë se do të gjejnë dikë që t’i përputhet moshës, shkollimit dhe paraqitjes së jashtme. Janë njerëz që pikërisht për shkak të mungesës së kohës edhe dashurisë duan që ta gjejnë përmes shërbimeve të posaçme të ofruara me pagesë pikërisht nga sajtet që arkivojnë dhe kanë shumë të dhëna dhe persona që duan të lidhen me njëri-tjetrin për arsye nga më të ndryshmet. Dhe këta persona të zakonshëm mund të qëllojë që kanë edhe pjesë të jashtëzakonshme të tyre si bukurinë, zgjuarsinë, apo pasurinë. Të gjithë kanë zgjedhur internetin me nderimin më të madh për këto shërbime dhe me idenë se do të gjejnë shpejt dhe pa humbur kohë partnerin e duhur. Të gjithë ata janë të joshur nga premtimet e një romance të paharrueshme që do të zgjasë tërë jetën. Në fakt, të gjithë ne jemi në kërkim të atij, apo asaj që nuk na është shfaqur ende dhe këto sajte të premtojnë se do të ta ofrojnë këtë gjë. Kërkimi i dashurisë në fakt është gjithmonë një lloj lotarie. Cilat janë në fakt shanset që në këtë botë të madhe të mbushur me njerëz të takohen pikërisht dy gjysmat e së tërës, pra dy njerëz që kanë një përputhje totale me njëri-tjetrin? Interneti të premton se përmes mënyrës së tij të përllogaritjeve të gjen një njeri që më së shumti i shkon për shtat modelit tënd. Dhe në disa raste edhe mund të funksionojë, por për një gjë të tillë duhet durim. Dhe kur durimi është e vetmja gjë që të thuhet edhe pas shumë kohësh kërkimi, atëherë ka shumë nga kërkuesit që bien në një gjendje depresive dhe humbasin konsideratën për veten e tyre. Ajo çka të bën përshtypje është se pothuajse të gjitha karakteristikat janë pozitive dhe flasin për njerëz që kanë shumë cilësi të mira dhe janë të shoqërueshëm dhe ajo çka është paradoksale është fakti që këta njerëz na del se pavarësisht cilësive janë të vetmuar. A e dini që ekziston një biznes jashtëzakonisht i madh i ngritur pikërisht mbi nevojën e njerëzve për të gjetur gjysmën tjetër, sigurisht nga shërbime për të cilat të duhet të paguash para? Kështu, veç të tjerash, për të qenë të efektshëm në gjendjen e partnerit online janë botuar dhe shitur me një sukses të admirueshëm shumë libra të cilët të këshillojnë për mënyrën se si duhet të hartosh profilin tënd, për të qenë joshës dhe sa më i suksesshëm që në fazën e parë të aplikimeve. Ka njerëz që janë aq të fiksuar në këto gjëra sa janë shndërruar në përpirës të vërtetë manualesh dhe në kërkesa të suksesit të madh. Por jo rrallë këta janë edhe ata që zhgënjehen më shumë dhe marrin goditjen më të madhe për sa i përket vetësigurisë dhe vetëvlerësimit. Nëse vazhdimisht refuzohesh ose lidhesh me partnerë që janë nën nivelin tënd, pra që nuk të falin kënaqësi, ndodh që nis e bindesh se je njeri pa sharm e vlera dhe që nuk ke asnjë shpresë. Kjo mund të bllokojë shumë individë dhe t’i çojë edhe në dëshpërim. Por të rralla janë ato shkrime gazetash, apo ata psikologë që merren me këtë aspekt të të kërkuarit të dashurisë në internet, apo më mirë të pasojave të dështimit nga ky kërkim.

Njëri nga shkaqet e këtyre dështimeve të shumta është fakti se shpesh për të joshur dikë ne shënojmë në profilet tona të dhëna që nuk janë të vërteta dhe kur këto përplasen me realitetin, pra me personin tjetër dhe del se kanë qenë të gënjeshtërta goditja është e madhe. Në internet synojmë që t’i zbukurojmë gjërat dhe kjo mund të funksionojë për sa kohë që lidhja është ende virtuale, por në momentin që ajo konkretizohet realiteti virtual shkërmoqet dhe zhbëhet. Kërkimi i një partneri online ngjan me kërkimin për një produkt të zakonshëm në internet. Kompjuterët e sajteve të takimeve bëjnë një përllogaritje të dhënash për të gjetur personat me më shumë shanse dhe përputhje për të qenë bashkë. Por shpesh siç ndodh me kompjuterët që nuk kanë ndjenja, dhe kur bëhet fjala për ndjenja llogaritë nuk hynë në punë fare. Biznesi i takimeve mbetet thjesht një biznes në të cilin zemra ndihet gjithnjë e më jashtë dhe e përjashtuar. Të shumtë janë ata që janë zhgënjyer dhe janë dëmtuar moralisht, por ka edhe nga ata të tjerë që e kanë kuptuar se problemi nuk qëndron tek ata, por te zgjedhja që ata kanë bërë për të kërkuar dhe gjetur dashurinë e jetës së tyre.

[ISTOGASJA_CH]

Shprehjet e tilla, si “mos ke humbur në peshë?” vërtet tingëllojnë mirë në veshin e femrës, mirëpo kur është në pyetje dashuria, ekzistojnë edhe shprehje të tilla nga të cilat ‘shkrihet’ zemra e femrës.

“Të dua”

Madje edhe femrat e vështira të cilat ‘nuk bien’ në flirt, kënaqen kur dëgjojnë këto dy fjalë nga partneri. Është me rëndësi që këto fjalë të thuhen në momentin e duhur dhe në vendin e duhur- atëherë efekti i tyre është i garantuar. Ndoshta do t’i lëkunden gjunjët, apo mund t’i bie të fikët, mirëpo këto janë pasoja të dëshirueshme…

“Ke të drejtë”

Të jemi të sinqertë, kjo fjali u pëlqen të gjithëve. Kur personi me të cilin jeni në lidhje pranon se në një temë të caktuar ju dini më shumë, atëherë në organizëm paraqitet një ‘valë’ e adrenalinës e cila nxit një ndjenjë shumë të ëmbël sikurse vetë dashuria. Edhe pse nganjëherë duhet të keni të drejtë, nuk është mirë që gjithmonë të jetë ashtu. Nëse femra ka shprehi të tillë që gjithmonë të ketë të drejtë, atëherë kjo shprehje nuk e ka vlerën e duhur, dhe shumë shpejtë do të vijë deri te konflikti me partnerin.

Ata të cilët dëshirojnë që gjithmonë të kenë të drejtë, në vend të kësaj do të ishte mirë që të mundohen të jenë të gëzuar dhe të lumtur. Lejojeni partnerin që nganjëherë të jetë fitues i debatit, dhe buzëqeshni nganjëherë dhe thojeni fjalinë e artë: “Ke të drejtë”. Kjo nuk do t’ju mbysë, por do ta gëzojë partnerin tuaj.

“Je e përsosur për mua”

Për secilën femër është me rëndësi që të ketë qëndrim pozitiv për veten e saj. Nëse fillon të mendojë negativisht dhe të ketë vlerësim të ulët për veten e saj shumë shpejt mund të bëhet e pasigurt dhe personaliteti i saj të lëkundet. Prandaj, gëzojeni të dashurën tuaj me shprehjen e këndshme, e cila do ta kënaqë atë dhe ju do të jeni krenar për këtë gjë.

“Pranoj”

Nuk duhet të jeni të fiksuar pas martesës që kjo fjalë t’ju duket e rëndësishme. Nëse ëndërroni për ditën kur partnerja juaj do të thotë se dëshiron të martohet me ju, është me rëndësi ta dini se ajo vërtet e do këtë gjë. Këmbimi i premtimeve të martesës, për femrën është një hap shumë i madh. Ky është një hap i cili e frymëzon atë dhe e dërgon drejt lumturisë së përjetshme dhe e bën të përqendrohet në ndërtimin e një të ardhme të lumtur sikurse në ëndrrat e saj.

[ISTOGASJA_CH]

Internet-faqja për burra “Ask men” dha disa prej arsyeve pse gratë falin tradhtinë. Gratë martesën e konsiderojnë si sukses, prandaj shkatërrimin e saj e konsideron si mossukses në jetë. Gjithashtu, këtu faktor kryesor janë edhe fëmijët. Gratë shpesh mbeten me partnerin tradhtar, edhe nga frika e të ardhmes së panjohur. Megjithatë, shkaqet më të shpeshta për falje janë dashuria për partnerin dhe bindjen se ai do të ndryshojë.

Sado që të jenë të vërteta këto arsye, burrat duhet të marrin parasysh se tek gratë asgjë nuk është kaq e thjeshtë. Korespondentja për “Ask men”, Vanesa Barton, shpjegon se gratë dallojnë disa lloje tradhtish, prej të cilave disa mund t’i falin, kurse disa jo. Ajo shpjegon se falja tek gratë shpesh është vetëm fjalë dhe se gratë asnjëherë nuk e tejkalojnë tradhtinë.

Gratë të cilat janë tradhtuar, shpesh dinë ta shfrytëzojnë situatën dhe ta bëjnë partnerin xheloz ose edhe ato t’i tradhtojnë. Kështu që, ajo që tek burrat është e ndarë qartë, tek gratë ka shumë shtresa. Prandaj, burrat edhe njëherë le të reflektojnë në lidhje me këtë çështje para se t’i përkufizojnë arsyet që do t’ua zbardhin punët.

[ISTOGASJA_CH]

Nëse mendoni se për një jetë të lumtur ju duhen shumë gjera të komplikuara, e keni gabim…
Gjithçka që keni nevojë janë tre faktorë bazë, për të patur një jetë të lumtur. Shkencëtarët nga Universiteti i Rochester, kanë zbuluar një formulë, që duket kështu:
Pavarësi dhe kontroll + Aftësi (ta ndjeni se jeni të aftë) + Afërsi = Lumturi
Pra, gjatë procesit për të qenë të lumtur, duhet ti plotësoni tre kushte bazë. E para është autonomia por njekohësisht edhe vetkontrolli, për jetën, punën dhe ndjenjat tuaja. Nëse vet ju mund të merrni vendime, keni liri të zgjedhjes, natyrisht se do të ndjeheni më të përmbushur dhe të kënaqur.
Të jetoni me frikë ndaj marrjes së vendimeve, është stresuese. Por nëse veç më ndjeheni të lirë dhe keni vetbesim, gjindeni në gjysmë të rrugës për tek lumturia e plotë.
Por kjo nuk është mjaftë. Është i nevojshëm edhe elementi i tretë që përfundimisht ta largoni ndjenjën e pasigurisë, frikës dhe plotësisht ta shijoni një jetë të lumtur.
Afërsia me njerëzit, është ai faktorë që në kombinim me ndjenjën e aftësisë, pavarësisë dhe kontrollës, do t’ju sjellë ndjenjën e lumturisë.
Sigurisht se ky procesë nuk është aq i lehtë sa duket, posaçërisht kur kemi parasyshë se këto faktorë duhet me doemosë të plotësohen dhe të ndërveprojnë njëri me tjetrin.
Nëse eventualisht ju mungon njëri nga këta tre faktorët që i përmendëm, është koha që ju t’ju ktheheni gjërave të bukura dhe analizojeni veten, jeni apo jo te lumtur.
Fillimisht, përqafoni vëllan ose motrën tuaj, në vend që të rrini kot në TV, ose dilni me shokë të pini diçka, apo shikoni fotografi në një ambient familjarë…

[ISTOGASJA_CH]

Lajme të mira për të gjithë prindërit që kanë fëmijë të vetëm dhe ndihen në faj pse nuk i kanë dhënë një vëlla apo një motër trashëgimtarit të tyre të vetëm. Sipas një studimi anglez, me sa duket kanë bërë mirë. Një nga studimet më të gjera të bëra në këtë fushë ka treguar se sa më pak vëllezër dhe motra të kesh, aq më shumë fëmija është i kënaqur dhe i lumtur. Zënka, rivaliteti, gara për vëmendjen që marrin nga nëna dhe babai, janë shkaqet kryesore që i bëjnë fëmijët të mos jenë të lumtur ose të vështirë jetën e shumë vëllezërve dhe motrave, tregon studimi. Një gjendje tensioni që mund të ndikojë në zhvillimin e fëmijëve, duke bërë që kur të rriten të kenë probleme me sjelljen dhe depresionin, por që ka pasoja negative edhe për prindërit, duke krijuar një gjendje stresi dhe duke kontribuar të vendosë në krizë harmoninë e çiftit. Teza është rezultat i një hetimi mbi jetën e 100 mijë personave, pjesë e 40 mijë familjeve, të bërë nga një agjenci qeveritare britanike dhe “Social research council”, për një raport që do të publikohet në ditët në vazhdim, por që u zbulua para kohe nga “Observer” i Londrës. Të dhënat e lidhura me fëmijët janë fryt i pyetësorëve shumë të detajuar të plotësuar nga 2500 të rinj dhe të analizuar nga instituti për studimet e ekonomike dhe sociale të universitetit të “Essex”-it. Ja se cilat janë shifrat. 54 për qind e fëmijëve ankohen për forma të vazhdueshme të sjelljeve agresive fizike apo verbale nga ana e vëllezërve apo motrave. Thuajse 30 për qind pranojnë se vëllezërit apo motrat i thërrasin me emra të shëmtuar dhe shpesh nuk u thonë fjalë të bukura. 17.6 për qind ankohen, sepse vëllezërit dhe motrat u marrin lodrat dhe gjërat e tyre, që jo vetëm i përdorin, por edhe i shkatërrojnë. Tjetër faktor i moskënaqësisë është edhe gara për të pasur kujdesin e prindërve për hapësirën që duhet ndarë brenda shtëpisë me qëllim mbrojtjen e privatësisë. Në përgjithësi, tregon kërkimi, niveli i lumturisë bie në varësi të numrit të vëllezërve apo motrave në familje. Studimi në fjalë dhe kërkime të tjera për të njëjtin argument, komenton Dieter Wolke, docent i psikologjisë së fëmijëve në “Warwick University”, ilustrojnë edhe aspektet pozitive të të pasurit një vëlla apo një motër si për shembull mbështetja reciproke që mund të jepet në momente të vështira. Por mosmarrëveshjet e vazhdueshme me vëllezërve, shton eksperti, rritin stresin për fëmijët, disa prej të cilëve heqin dorë nga ndërhyrja për të zgjidhur konfliktet mes tyre duke e lënë gjendjen e nderë”. Këtë konfirmon edhe Siobhan Freegard, themelues i “Netmums”, një prej sajteve më popullore për bisedat mes nënave: “Shumë prindër përfundojnë duke bërë arbitrin për të sjellë paqen në familje. Është një rol i lodhshëm. Me një fëmijë të vetëm këto gjëra nuk ndodhin”. Në të kaluarën ishin fëmijët e vetëm që konsideroheshin si mbartës të një handikapi: më të turpshëm, më të heshtur dhe më të mbyllur në vetvete në krahasim me fëmijët e tjerë që kishin në shtëpi motra dhe vëllezër. Por kjo nuk është më e vërtetë tregon Freegard, duke cituar të dhënat e Universitetit të Essex-it. “Shumë fëmijë të vetëm sot janë të hapur, të sjellshëm, të shoqërueshëm, kanë besim në vetvete, më të shkathët për të bërë miqësi të reja në shkollë, në parqe apo me pushime. Duken vërtet fëmijë të lumtur”. Edhe një tjetër e dhënë të lë pa fjalë, fëmijët e pakicave etnike, të vetëm ose me vëllezër dhe motra, janë mesatarisht më të lumtur se fëmijët e familjeve britanike.
Rrëfimet e fëmijëve të vetëm

“Jam shumë i lumtur që kam qenë fëmijë i vetëm”, tregon Julian Smith, 25-vjeçar londinez që kujton se kur ishte i vogël u thoshte prindërve të mos bënin fëmijë të tjerë, sepse ishin mirë kështu. “Jam plotësisht dakord se fëmijët e vetëm janë më të lumtur. Personalisht, nuk e kam ndier nevojën e një vëllai apo të një motre edhe duke u rritur. Kjo ka përforcuar edhe më tej natyrën time prej luftaraku në jetë. Të mitë ishin të mëdhenj në moshë kur më sollën në jetë dhe unë e kam humbur babanë kur isha 19 vjeç, dhe të humbasësh një prind kur je fëmijë i vetëm është e tmerrshme. Gjithmonë e kam ndier nevojën për të pasur miq përreth meje. Besoj më shumë te miqësia se te lidhjet e gjakut”, përfundon ai. Për sa i përket faktit që del nga kërkimi se fëmijët e vetëm kanë më shumë sukses në jetë, Julian përgjigjet: “Kjo është e tepërt. Mendoj se kërkimi është bërë nga një djalë i vetëm. Të kesh ose jo sukses në jetë varet nga shumë faktorë, fati, rrethanat, gjendja sociale, karakteristikat personale. Nuk do të isha kaq kategorik”.

[ISTOGASJA_CH]

Ku e lashë celularin? Ku dreqin i futa celësat e shtëpisë? Me siguri ju ka ndodhur të paktën një herë të keni patur një bllokim të kujtesës, ose t’ju duket se po humbni memorjen tuaj.Kapaciteti i kujtesës mund të mbahet në formë dhe të forcohet deri në 30 përqind. Ju disa këshilla:

Dietë? Po, por jo shumë drastike
Të dobësohesh shpejt mund të sjellë efekte jo të mira për trurin, pasi redukton memorjen të paktën 20 përqind. Kështu thotë një studim i krye në Mbretërinë e Bashkuar, ku niveli i i vëmendjes pas një diete drastike reduktohet 30 perqind dhe kapaciteti i memorjes në 20 përqind.

Po, humorit të keq
Nëse humori i keq ju bën që të shihni gjërat me pesimizëm, realisht ndihmon në përmirësimin e memorjes, sidomos përsa i përket detajeve.

Vepro me imazhe
Truri kujton më mirë imazhet. Për të memorizuar emrin e një personi që sapo ju kanë prezantuar, lidheni me një imazh.

Jo, rutinës
Profesoresha Margie Lachman, e Brandeis University (Usa), këshillon që të mos krijoni monotoni në zakonet e ditës tuaj. P.sh: ndryshoni dorën me të cilën lani dhëmbët, ndiqni rrugë të ndryshme për të shkuar në punë, apo krijoni larmi në orët e pasdites.

Ruaj imazhin
Ju këshillojmë që ndërsa vizitoni një qendër tregtare, një galeri apo panair, të shihni detaje të ndërtesës, si p.sh kollonat, dritat, daljet e emergjencës, shkallët e lëvizshme, ashensorët…

Stërvitni memorjen e fëmijës tuaj
Qendroni bashkë me fëmijët për pesë minuta në një dhomë plot me objekte dhe pasi të dilni prej andej përshkruani pozicionin e saktë të të gjithë lodrave dhe detajeve duke bërë një garë me njëri-tjetrin.

Truke për të moshuarit
Në moshën e avancuar nuk duhet perqendruar vemendja te informacione të pavlefshme. Fiksoni cdo ditë listën e shpenzimeve, ndonjë rezultat sporti, apo fituesit e ndonjë konkursi.

Bëni sport
Aktiviteti fizik kontribuon në ruajtjen e memorjes duke ndihmuar në rigjenerimin e qelizave cerebrale që vdesin me rritjen në moshë.

Bëni pushime gjatë orarit të punës
Një studim i New York University, i publikuar në revistën “Neuron”, ka sugjeruar se mjafton edhe një pauzë e shkurtër për të ndihmuar trurin që të rivihet në funksion dhe të thithë informacion të ri.

Pini lëng rrushi
Lëngu i rrushit ndihmon për ndihmën dhe rikuperimin e humbjes së memorjes. Një studim i ri britanik tregon se antioksidantët prezentë te rrushi mund të theksojnë kapacitetet cerebrale për të reduktuar efektet e humbjes së memorjes. Konsumimi i lëngut të rrushit jep rezultate të mira në ruajtjen e memorjes.

Mos pini duhan
Sipas një studimi francez, i publikuar në “Archives of Internal Medicine”, thuhet se konsumatorët e duhanit dëmtojnë memorjen e tyre.

[ISTOGASJA_CH]

Një studim amerikan i bërë te minjtë hap perspektiva konkrete për ilaçet në gjendje të luftojnë shqetësimet nga stresi post-traumatik. “Mund të duket si fantashkencë, por eliminimi selektiv i kujtesës një ditë mund të kurojë njeriun”

Jetojmë në një botë të stresuar, ku thuajse çdo ditë përballemi me ngjarje që lënë gjurmë në kujtesën tonë. Disa më shumë e disa më pak, të gjitha herët a vonë na shfaqen përpara syve duke na turbulluar mendjen dhe lënduar shpirtin. Sigurisht fjala është për kujtimet e dhimbshme, që edhe kalimi i kohës i ka zbehur shumë pak. Shkencëtarët prej kohësh po përpiqen t’i japin fund kësaj torture për njeriun, e cila do të çonte në shmangien e shumë sëmundjeve, sepse stresi, ose sëmundja e jetës moderne, është shkaktari kryesor i qindra sëmundjeve. Shkenca dhe mjekësia kanë të drejtë kur thonë se kura më e mirë që mund të ekzistojë është lumturia.

Deri më tani askush nuk e dinte se në tru ekziston një proteinë, që ashtu si një gomë mund të eliminojë nga mendja jonë përgjithmonë kujtimet e dhimbshme. Ata që e kanë zbuluar, përmes një testi te minjtë, kanë qenë kërkuesit amerikanë të Universitetit “John Hopkins”. Ky studim, sipas tyre, përbën një shpresë konkrete për të mbërritur te ilaçet, në gjendje të luftojnë shqetësimet e shkaktuara nga stresi post-traumatik. Studimi i publikuar në revistën “Science Express” përbën një thesar të vërtetë për diagnostikimin e shumë sëmundjeve të lidhura me trurin. Të udhëhequr nga profesor Richard Huganir, përmes një testi te minjtë, kërkuesit në fillim identifikuan dhe pastaj hoqën një proteinë në një zonë të veçantë të trurit në gjendje të largonte kujtimet e frikshme nga kujtesa. Për të verifikuar vlefshmërinë e intuitës së tyre, i frikësuan kafshët përmes përdorimit të tingujve dhe pastaj eliminuan proteinën në fjalë. Pas këtij veprimi u zbulua se tingulli shkaktar kryesor i traumës, nuk ishte më një faktor i lidhur me frikën. Në ndryshim nga kafshët e tjera, minjtë që u bënë pjesë e këtij eksperimenti me pak fjalë e kishin harruar frikën që tingulli kishte shkaktuar tek ata në fillim. Proteina gjendet në atë zonë të trurit që është përgjegjëse për frikërat, si ato ndaj njerëzve ashtu edhe nga ato ndaj kafshëve. Për ta identifikuar, kërkuesit vëzhguan mekanizmin që i shtynte disa qeliza të kësaj zone të prodhojnë më shumë elektricitet kur njerëzit frikësohen. Impakti traumatik me frikën shkakton një rritje të numrit të këtyre proteinave. Studimi në fund tregoi se pikërisht këto proteina mund të largohen nga qelizat nervore. “Ideja është eliminimi i këtyre proteinave dhe dobësimi i lidhjeve me traumën e krijuar në tru, në mënyrë që të largohen nga kujtesa. Mund të duket si një libër fantastiko-shkencor kapaciteti për të eliminuar në mënyrë selektive kujtimet. Në të ardhmen kjo mund të aplikohet për trajtimet e njerëzve që vuajnë nga stresi post-traumatik, që lidhet për shembull me luftën, me përdhunimet apo ngjarje të tjera që kanë lënë gjurmë në jetën e pacientëve”, tregon profesor Hugner. “Kur verifikohet një episod i këtij lloji, krijohet një kujtim i tmerrshëm që mund të zgjasë gjithë jetën dhe të ketë efekt negativ. Zbulimi ynë përshkruan mekanizmat molekularë dhe qelizorë të përfshirë në këtë proces dhe i hap mundësinë manipulimit të kujtimeve me ilaçe që mund të prodhohen për të përmirësuar terapinë për këto lloj gjendjesh”, përfundon ai.
Studimi i mëparshëm

Në fakt, prej vitesh po eksperimentohet për të hedhur në treg një ilaç që do na bënte të harronim kujtimet e këqija. Ilaçi do na jepte mundësinë të bënim një jetë më të qetë, pa kujtuar ngjarjet e dhimbshme të jetës sonë. Kërkuesit e Universitetit të Amsterdamit, krijuesit e kësaj pilule beta-bllokuese që në fillim e kanë përdorur vetëm për të rregulluar tensionin e gjakut, kanë qenë në qendër të shumë polemikave. Nëse në fillim pilula që largonte kujtimet e këqija dukej si një mrekulli e shkencës, më vonë u ngritën një sërë dyshimesh. Ata që ishin kundër kësaj iniciative mendonin se kjo pilulë në përpjekje e sipër për të fshirë kujtimet e këqija dhe të dhimbshme mund ta bënte këtë gjë edhe me eksperiencat pozitive, pasi askush nuk mund të garantojë që ajo është në gjendje të bëjë dallim mes tyre. Për këtë arsye, vullnetarët iu nënshtruan me kënaqësi marrjes së kësaj pilule nën mbikëqyrjen e mjekëve. Rezultati befasoi shkencëtarët, jo vetëm sepse personat ishin më të qetë, por edhe sepse në harkun kohor brenda 24 orëve ata i kishin superuar edhe frikërat e tyre. E çfarë mund të ketë më mirë se një jetë e qetë, me kujtime të bukura pa frikë dhe fiksime? Por deri sa përdorimi i këtyre ilaçeve të bëhet masiv, në kuptimin që të dalë në treg dhe të përdoret nga të gjithë ata që vuajnë pasojat e traumave, do të duhet edhe pak kohë. Por po të mendosh se do jetosh i qetë dhe pa strese, ia vlen të presësh. Njeriu ka nevojë të dijë e të kujtojë. Të ngulisë çdo ditë në mendje mendime, ide, të dhëna që do të duhej t’i përdorte në momente të caktuara të jetës si pika referimi e orientimi. Thuhet se çdo njeri vlen për aq sa di, por harrohet apo injorohet fakti se një njeri di aq gjëra sa mund të kujtojë. Procesi i kujtesës përkon me atë të komunikimit, të të mësuarit dhe të ndërgjegjes.

[ISTOGASJA_CH]

http://www.shqipmedia.com/wp-content/uploads/2010/11/images6.jpeg

Nëse xhelozia ndaj partnerit nis dhe shprehet përditë e mbi një orë, nis të kthehet në një patologji të vërtetë. Kështu mendojnë studiuesit, të cilët kanë nisur ta klasifikojnë xhelozinë si një sëmundje nëse kalon këtë afat. Xhelozia sipas tyre, nuk është një ndjenjë që duhet të na bëjë të ndihemi të lumtur, përkundrazi. Duhet të nisim të shqetësohemi realisht nëse ajo na zgjat shumë. E keqja është se ajo nuk mund të ndalet kollaj, edhe nëse zbulon se po të godet fuqishëm. Ajo nuk lind për faktin se ne jemi të këqinj. Por vetëm sepse nga natyra jemi bërë të tillë. Sipas mjekëve, personat të cilët janë shumë xhelozë, paraqesin anomali në prodhimin e serotoninës, e cila më pas mund të korrespondojë me një formë të çrregullimit mendor.

Zakon grek

Cilësohet nga studiuesit si një zakon i mbetur që në kohët e Greqisë së lashtë, kur edhe në veprat e mëdha të këtij vendi shkruhet se njerëzit vrisnin nga xhelozia, apo marroseshin prej saj. Ka katër lloje xhelozish. E para për shembull ka të bëjë me rastin kur partneri ndihet xheloz pasi nuk është në lartësinë e tjetrit. Dhe çdo lloj zhelozie, ka shpjegimin e vet patologjik.

Llojet e xhelozisë:

Depresive: Kur ndihesh në nivel më të ulët se partneri.

Obsesionuese: Kur fiksohesh se nuk të do sa duhet, ose sa e do ti.

E ankthshme: Kur ke frikë se të lë nga një çast në tjetrin.

Paranojake: Kur dyshon për çdo gjë, edhe pa vend fare.

[ISTOGASJA_CH]

http://www.shqipmedia.com/wp-content/uploads/2010/10/images24.jpg

Sot mosha mesatare për t’u kurorëzuar është mbi të tridhjetave me tendencë që kjo shifër të rritet. Shifrat tregojnë se shumica e femrave e shtyjnë martesën dhe vendosin për të bërë këtë hap me vonë. Mosha e zakonshme për gjeneratat më të hershme anembanë botë për femrat ka qenë 22 vjet ndërsa për meshkujt 25 vjet. Në vendin tonë e dimë se ky limit i moshave ka qenë edhe më i vogël. Sot mosha mesatare për të lidhur martesë sillet prej 33 vjet për femrat dhe 35 për meshkujt.

Femrat e sotshme e shtyjnë martesën sepse dëshirojnë të arrijnë pavarësi financiare dhe të kenë një karrierë të suksesshme para se të bëhen bashkëshorte. Të tjerat thjeshtë preferojnë të jenë vetëm sepse një përzgjedhje e tillë është një vendim i pranueshëm social. Ekspertët theksojnë se gratë më shumë dëshirojnë të kënaqen në vitet e tyre të njëzeta, se sa të martohen. “Martesa u bë stili i të jetuarit” thotë Simon Dankan, profesor i politikës kooperative sociale në Universitetin e Bratfordit.

“Marrëdhëniet intime, jeta e përbashkët dhe fëmijët janë tri arsyet kryesore që të lidhni një martesë, mirëpo tek ne si një zgjidhje më e arsyeshme sociale është që të kihen të tria këto gjëra pa harxhuar para për dasmë”, thekson profesori. Vitet e njëzeta të jetës janë vitet kur njohim vetveten dhe secili vit nga kjo dekadë është i rëndësishëm për zhvillimin emocional dhe vetëbesimit tek një personalitet. Sot me anë të pjekurisë nënkuptojmë ideale të qëndrueshme si integritet, pasion për të jetuar, parime dhe synime. Në vitet e tridhjeta femra është e pjekur dhe e qëndrueshme nga ana emocionale që të marrë vendimet e duhura në jetë.

[ISTOGASJA_CH]

Fshehja e detajeve
Është gabimi kyç që bën një femër derisa i tregon partnerit te saj se të shtunën mbrëma do të dalë me shoqe. Ajo nuk përmend hollësitë ku, kur dhe saktësisht me kë. Përderisa për një femër është e rëndësishme të dijë të gjitha hollësitë, është shumë normale që edhe mashkulli të kërkojë një gjë të tillë. Pa panik, pa u nervozuar dhe pa e akuzuar për mosbesim, në mënyrën më të afërt tregoji gjithçka. Ai do të ndihët i qetë, përderisa t’i do të jesh rehat, pa pasur nevojë ta telefonosh çdo orë.

Koha e gabuar
Të gjitha femrat duhet të dinë se është gati e pamundur të debatosh, përderisa ai është duke shikuar televizor. Dhe pas këtij gabimi që s'kapërdihet, menjëherë vjen tjetri, mendimi se ai i jep më shumë rëndësi televizorit. A e keni ditur se, ata nuk përqendrohen dot në disa gjëra njëkohësisht. Atë mund ta pyesësh për çfarë do, dhe ai përgjigjet me "ëhë" që do të thotë se një pjesë e trurit të tij është përqendruar në TV, pjesa tjetër është në gjumë. T’i mund të flasësh tërë ditën, e ai “ëhë ... ëhë”. Nga ana tjetër, meshkujt shfrytëzojnë çastet kur ajo është duke u përgatitur për punë, duke lexuar revistën e saj të preferuar, saktësisht, kur ajo është e preokupuar me diçka tjetër. Ai e bën këtë qëllimisht ngase ai nuk ndihet mirë gjatë bisedave të gjata dhe të thella pra gjen kohën "e përshtatshme" kur ajo nuk mund të përqendrohet në atë bisedë.

Fjalitë që fillojnë me “Kam një lajm të keq”
Kur ajo do të tregojë diçka që partnerit ndoshta nuk do t'i pëlqejë, fjalinë e fillon me "Kam një lajm të keq” edhe nëse fjala është për diçka shumë të thjeshtë, ai do të reagojë më ashpër. Problemi qëndron te mënyra e gabuar e të shprehurit, në këtë rast. Ai asnjëherë nuk përgatit fjalim, por i "bie shkurt" futet drejt në temë dhe thotë atë që ka për të thënë, këtë e pret edhe nga ajo. Në situata të tilla më mirë është të futesh direkt ne temë sesa të flasësh gjepura derisa të thuash diçka që ai ta kuptojë.

Papritur biseda kthehet në monolog
Ajo është duke treguar historinë e shoqes së saj që është ndarë nga i dashuri, dhe ai ka shtypur butonin MUTE. Problemi qëndron këtu: Atyre nuk u pëlqejnë hollësitë. Nuk duan të dinë detajet e ndarjes. Në disa raste ata nuk interesohen për diçka që nuk ka të bëjë me ta personalisht. Nëse nuk do të përfundosh duke e shkundur atë për t'ia tërhequr vëmendjen, gjatë bisedës bëj ndonjë pyetje dhe ai do te kthehet sërish në TOKË. Ai e ka më të lehtë të shpërqendrohet derisa flet vetëm ajo, sesa kur ka të bëjë me pyetje provokative.

Mos provo të zbulosh më të fshehtat
Femrat pyesin për çdo gjë. Sinqeriteti është veti e mirë, mirëpo janë disa gjëra që ndoshta partneri juaj nuk ka nevojë ti dijë. Ajo nuk ka nevojë ta dijë se atij nuk i duket më e bukura në botë, nuk duhet ta dijë nëse ai shikon revistat me femra nudo. Ai është më mirë të mos e dijë nëse ajo ka kriza xhelozie që mundohet t’i fshehë dhe mund të jetojë edhe pa e ditur se ajo ka një numër dyshifror të lidhjeve nga e kaluara. Disa gjëra është më mirë të mbeten të fshehta, ashtu që ajo është e vetmja në botë për të, ai asnjëherë nuk ka shfletuar revistën "Playboy", ajo nuk është xheloze dhe ka pasur vetëm një lidhje të dështuar. Mos pyet asnjëherë për të gjitha ato imtësi që nuk ja vlen as të përmenden, përndryshe do të fitosh bindje tjetër nga ajo që ke pasur për partnerin.

[ISTOGASJA_CH]

Disa herë, gënjeshtrat e tyre bëjnë që ju mos lëndoni ndjenjat. Mirëpo gënjeshtrat e vogla ruajnë edhe egon e tij, por nuk duhet të jenë shkas për ndarje…por duhet ti dini…Ne ju sjellim 5 gënjeshtrat e vogla të meshkujve në shtrat

1. Kjo s’më ka ndodhur asnjëherë.
(Nëse nuk mund të arrijë ereksion, kjo i ka ndodhur edhe më herët)

2. Vetëm ti më eksiton.
(Të gjithë mashkull eksitohet në çdo 90 minuta)

3. Gjithmonë mbaj prezervativ, por të gjithë më vinë të vogël.
(Në të gjithë botën, vetëm 6 përqind e meshkujve përdorin XL prezervativ)

4. Pse do masturboja kur të kam ty.
(95 përqind e meshkujve në botë masturbojnë vet)

5. Sigurisht, vetëm do të përkëdhelemi.
(Sa herë keni dëgjuar këtë fjali, pastaj ka ndryshuar muhabeti…?!)

[ISTOGASJA_CH]

Disa herë, gënjeshtrat e tyre bëjnë që ju mos lëndoni ndjenjat. Mirëpo gënjeshtrat e vogla ruajnë edhe egon e tij, por nuk duhet të jenë shkas për ndarje…por duhet ti dini…Ne ju sjellim 5 gënjeshtrat e vogla të meshkujve në shtrat

1. Kjo s’më ka ndodhur asnjëherë.
(Nëse nuk mund të arrijë ereksion, kjo i ka ndodhur edhe më herët)

2. Vetëm ti më eksiton.
(Të gjithë mashkull eksitohet në çdo 90 minuta)

3. Gjithmonë mbaj prezervativ, por të gjithë më vinë të vogël.
(Në të gjithë botën, vetëm 6 përqind e meshkujve përdorin XL prezervativ)

4. Pse do masturboja kur të kam ty.
(95 përqind e meshkujve në botë masturbojnë vet)

5. Sigurisht, vetëm do të përkëdhelemi.
(Sa herë keni dëgjuar këtë fjali, pastaj ka ndryshuar muhabeti…?!)

[ISTOGASJA_CH]

Ekzistojnë disa gjëra që meshkujt dhe femrat nuk durojnë tek njëri-tjetri prej shekujsh. “Daily Mail” solli disa prej atyre “garancive” që mund të bëjnë të vlojë gjakun e një njeriu të seksit të kundërt.

Ajo që meshkujt urrejnë tek femrat:

1. Zakoni i femrave për të mos porositur asnjëherë një ëmbëlsirë, por që më pas të hanë atë që ti merr, është shumë i urryer prej meshkujve.

2. Shumë prej atyre që jetojnë me një femër u është dashur të shkojnë dhe të zhbllokojnë lavomanin, e zënë nga fije të gjata floku. Por, më e keqja është kur dëgjon të të thonë se ai flok nuk është detyrimisht i saji.

3. Zakoni për të marrë sa më shumë libra për pushime, nuk përputhet tërësisht me interesat mashkullorë dhe idenë e tyre për kohën e lirë. Kuptohet, librat nuk lexohen kurrë, por ndërkohë valixhet i mban mashkulli.

4. Duhet të jenë jashtëzakonisht të rrallë ata meshkuj që përballë një femre të nervozuar kanë arritur të marrin një përgjigje, edhe pse kanë pyetur vazhdimisht për opinionin e saj.

5. Retorika e femrave për të thënë se nuk shikojnë tek meshkujt statusin e tyre, as paratë dhe as sensin e humorit është diçka acaruese për shumë mbartës të kromozomit y.

6. Edhe atëherë kur pas shumë lutjesh një femër pranon të luajë me të dashurin e saj në playstation apo ndonjë lojë tjetër, është e sigurt që do të braktisë lojën përgjysmë.

7. Një dhomë hoteli do të jetë gjithmonë e pistë, gjithmonë e pakëndshme dhe gjithmonë do të ketë diçka që nuk shkon, edhe nëse ajo është suita presidenciale e një hoteli me pesë yje.

Ajo që femrat urrejnë tek meshkujt:

1. Nuk ndodh ndonjëherë që pasi një mashkull të jetë larë peshqirët të jenë sërisht në vendin e tyre.

2. Nuk ndodh që në shtëpinë e një mashkulli të ketë vetëm një telefon celular dhe një karikues. Domosdoshmërisht do të ketë edhe kabllo po fund, nga të cilët mund të pengohesh në çdo moment.

3. Thonë se meshkujt nuk i dallojnë mirë ngjyrat, por si mund të jenë aq budallenj sa të mos shquajnë jeshilen nga bizelja, të bardhën nga ngjyra e kremit apo blunë nga bojëqielli.

4. Tek meshkujt, duket se ekziston një gjen që i detyron ata të gjithë që të lënë çorapet atje ku nuk t’a pret mendja dhe që i pengon të dijnë se si palosen gjërat.

5. Kur është femra ajo që gatuan, partneri i saj asnjëherë nuk do të bëjë dallimin midis një ushqimi të gatuar me shpejtësi dhe atij për të cilin gruas iu nevojit e gjithë dita për t’a bërë me dashuri.

6. Nuk ndodh asnjëherë që kur sistemon pantallonat e partnerit të mos bien në dysheme monedha. Kuptohet, një femër do t’i rikuperojë ato edhe nëse futen në cepin më të errët poshtë divanit.

7. Është e zakonshme të dëgjosh një mashkull të thotë që benzina ka mbaruar, pasi makina të ndalojë. Duket se asnjëherë ata nuk i kuptojnë që “gjërat po mbarojnë” përpara se kjo të ndodhë realisht.

8. Është diçka e bukur të shohësh baballarët e rinj që kujdesen për fëmijët e tyre. Për fatin e keq, për ta është e rëndësishme vetëm të luajnë me djalin dhe vajzën, ndërsa rrëmuja që bëhet në shtëpi nuk ka shumë rëndësi.