Së shpejti do e kemi programin në gjuhen shqipe...

[Lui]

Së shpejti do e kemi programin në gjuhen shqipe për korigjim gjuhësor në Windows, duke iu falënderuar Lulzim Shishanit nga Drenica...
me një fond prej 300'000 fjalë të gjuhës Shqipëtare...

Vetëm me punë ecim përpara, në hap me botën!

Gëzuar! /forum/images/smiles/icon_smile.gif
Lui

P.S. Poashtu së shpejti do e kemi edhe versionin e Windows '98 në Gjuhën SHQIPËTARE...

[Lui]

Down,

çka ke bër kështu ej...?

[GoogleCom]

tung lui,

a ka website diku, ose ndonjë lajm pak ma zyrtar ose ma të hollësishëm lidhur me këtë?

të fala,
googlecom

[StarCraft]

Une e kam degjuar kete lajm ne RTK (jam bo edhe une si loni he kuku per mu /forum/images/smiles/icon_razz.gif ),dhe ai zoteriu qe e ka arrite kete suksese e dha edhe nje email adrese per ata qe jane te interesuar te dine me hollesisht per kete ,e ajo eshte :
gjuhashqipe@hotmail.com

-ndoshta mund te ju ndihmoje dicka kjo informate!


[addsig]

[GoogleCom]

të falemnderit starcraft. edhe unë rastësisht sot hasa në një artikull te koha ditore rreth këtij projekti. por si po duket, ose unë s'po di me lexu, ose na shqiptarët jemi të talentum me shkrujtë shumë e mos me thanë asgjë konkrete, se nuk mora vesh shumë për projektin... krejt do informata dytësore të parëndësishme. mu më interesoi realizimi teknik ose ndonjë website zyrtare, por artikulli ma shumë kish fillozofi... qe komplet:


Një program kompjuterik për korrektimin e gjuhës shqipe

<h3>Dy orë kohë për 500 faqe korrekturë</h3>
Në verifikimin e këtij fondi linguistik janë këshilluar ekspertë të gjuhës shqipe nga AShAK-u dhe profesorë të katëdrës së Gjuhës dhe të letërsisë shqipe. "Nëse çdo i gjashti person në Kosovë, e shkruan një copë shkrese apo letër dashurie në ditë, atëherë përmes këtij programi, për çdo ditë mund të evitohen 1 milion gabime drejtshkrimore", tha Lulëzim Shishani

MENTOR HALITI

PRISHTINË, 10 MARS - Më në fund është punuar edhe programi kompjuterik për korrektim në gjuhën shqipe bëri të ditur kreatori i këtij programi Lulëzim Shishani, jurist i diplomuar dhe kryetar i OJQ-së "Qendra për Edukim dhe Përparim".

Programi për korrektim është projekt i "Qendrës për Edukim dhe përparim" (QEP) nga Prishtina, e cila qendër përveç këtij programi kompjuterik ka realizuar edhe disa projekte të tjera me interes në fushën e drejtshkrimit dhe të drejtkuptimit sa më të saktë të gjuhës shqipe, qoftë si realizim kompjuterik apo si botim në libër.

Nga vet Programi drejtshkrimor, automatikisht ka lindur edhe ideja për përpilimin e Fjalorit drejtshkrimor të gjuhës shqipe mu për shkak të fondit të madh të fjalëve të grumbulluara që kanë kaluar shifrën prej 150 mijë trajtave.

Një përplotësim të këtillë dhe, një grumbullim të fjalëve të reja, të pasurimit të fjalorit e mundëson vet programi kompjuterik, sepse, siç theksoi kreatori i këtij programi, z. Shishani, në çdo përmirësim të ndonjë libri, nëse haset në ndonjë fjalë ende të panjohur për programin, automatikisht futet në kuadër të Fondit të fjalorit korrektues kompjuterik. Fjalori drejtshkrimor kompjuterik është më i pasur se fjalori drejtshkrimor i "Rilindjes", botim i vitit 1981 (ribotimi 1984) për hiç më pak se 50 mijë hyrje (trajta fjalësh).

"Elementi i gjuhës është në krizë, të gjithë këtë e dimë mirë, përshembull, ju ka rënë rasti të kërkoni një fjalë në fjalor dhe të mos e gjeni", deklaroi Lulëzim Shishani.

Një përparësi tjetër e këtij programi është se nëpërmjet këtij procesi kompjkuterik, gjithnjë duke përdorur mundësitë që ofron programi në fjalë mund të bëhet korrektimi, madje lektorimi i librave të përgatitura, më parë, për shtyp nga ekspert të këtyre lëmive.

"Në një libër 200 faqësh që është përgatitur nga ekspertë të njohur të shkencave juridike janë detektuar 850 gabime", tha juristi Shishani që e pranon se nuk është njohës i mirë i rregullave gramatikore por është njohës i mirë i jurispodencës dhe kompjuterikës. Në verifikimin e këtij fondi linguistik ai më tutje theksoi se janë këshilluar ekspertë të gjuhës shqipe nga Akademia e Shkencave dhe Arteve të Kosovës me profesorë të Fakultetit të Filologjisë, dega e Gjuhës dhe letërsisë shqipe.

"Nëse çdo i gjashti person në Kosovë, e shkruan një copë shkrese apo letre dashurie në ditë, atëherë përmes këtij programi për çdo ditë mund të evitohen 1 milion gabime drejtshkrimore", tha më tej Lulëzim Shishani duke nxjerrë një mesatare në proporcion me editimet e përditshme të gazetave, librave dhe shkrimeve të tjera në Kosovë, analaiza këto që i kishte bërë në kuadër të "QEP-it".

Programi si i këtillë është realizuar, por Lulëzim Shishani, dëshiron që ky program të institucionalizohet dhe të futet në përdorim të gjerë duke qenë sa më afër të gjithë shqipshkruesve, njëkohësisht larg synimeve pirateske. Si duket, duhet të kalojë një kohe e gjatë derisa të kuptojnë njerëzit e qeverisë dhe të institucioneve të gjuhësisë se aplikimi i një programi të këtillë është në modë, efikas dhe bashkëkohor duke patur parasysh se njerëzimi është duke e jetuar epokën e kompjuterizmit. Nga zyrtarizimi i këtij programi benefecionet më të mëdha do t'i ketë vet Kosova, shqipshkruesit kosovarë (pa përjashtuar personalitetet) të cilët ende kanë probleme me përvetësimin e rregullave drejtshkrimore të shqipes. Për përmirësimin e dokumentit të shkruar në kompjuter, duke përdorur programin e Lulëzim Shishanit, mjafton vetëm prekja e një suste, ndërsa për zyrtarizmin e tij dhe shpërndarjen në ndonjë veb-sajt zyrtar apo licencimin e tij në mënyrë ligjore mjafton një prekje e sustës nga ndonjë fuksioner që ndoshta edhe vet ka nevojë për praktikë drejtshkrimore dhe kompjuterike.

Në këtë program gjatë tre viteve kanë punuar një numër i madh i inzhinjerëve, gjuhëtarëve, kopjuteristëve dhe ekspertë të tjerë, në bazë grupore dhe individuale. Qendra për Edukim dhe Përparim, bazuar në deklaratën e z. Shishani, është e interesuar të vazhdojë projektin dhe perfeksionimin e mëtejshëm të programit duke e pasuruar atë me hyrje të tjera, por u mungojnë mjetet. Prandaj ai kërkon ndërhyrjen e donatorëve, si dhe u ofron bashkëpunim institucioneve kompetente duke pasur parasysh se bëhet fjalë për një program të ndërlikuar, i cili, gjithnjë zhvillohet sikur që zhvillohet vet gjuha dhe kompjuterika.



<font class=editedby>[ Ky Mesazh u ndryshua nga: GoogleCom më 2002-03-12 04:35 ]</font>