LKÇK-ja, fushatë për bojkotimin e zgjedhjeve Kosovë

[PO]

LKÇK-ja, fushatë për bojkotimin e zgjedhjeve Kosovë

Lëvizja Kombëtare për Çlirimin e Kosovës do të zhvillojë fushatë për bojkotimin e zgjedhjeve parlamentare të 23 tetorit. LKÇK-ja, përmes një letre, do t’u bëjë thirrje edhe partive tjera që të bojkotojnë zgjedhjet parlamentare të bazuara në rezolutën 1244.


Lëvizja Kombëtare për Çlirimin e Kosovës, vlerësoi se mekanizmat ndërkombëtarë në Kosovë po shkelin të drejtën e kombeve për vetëvendosje. Kryetari Fatmir Humolli tha se edhe zgjedhjet e tetorit të organizuara në bazë të rezolutës 1244, nuk janë në funksion të ndërtimit të institucioneve kombëtare, andaj u bëhet thirrje partive shqiptare që të mos marrin pjesë në to.“Politika shqiptare është orientuar tërsisht gabim, është bërë vegël e instrumenteve ndërkombëtare, për realizimin e programeve të tyre politike e shumë pak duke punuar për realizimin e programeve me interes kombëtar”.Në letrën e bërë publike sot si shkelje flagrante konsiderohen, siç thuhet: ndarja e veriut të Kosovës, decentralizimi, lejimi i partive të Serbisë për të marrë pjesë në zgjedhjet në Kosovë etj.“Prezenca e faktorit ndërkombëtar në Kosovë pamundëson të qenurit tonë në pushtet në një tjetër rol veç atij të të qenurit në shërbim të politikës që mohon të drejtën tonë për liri dhe vetëvendosje”, thuhet në letrën e LKÇK-së, paraqitur nga anëtari Agron Xhemajli.Ndryshe, LKÇK-ja do të shfrytëzojë ditët e fushatës për informim të gjër të popullatës. Do të zhvillohet fushatë kundër zgjedhjeve dhe përmes debateve e takimeve, siç tha Humolli do të bëhen përpjekje për të bindur njerëzit që të mos dalin në votime.